ପଦଟିଏ ତୋ ନାଁରେ ପ୍ରିୟା ୨୬

ଚିଠିଟିଏ କେବେ    ଦେଇ ନାହିଁ ବୋଲି

     କର କେତେ ଅଭିମାନ

ଅଧା ଲେଖା ଚିଠି   ଆଜି ବି ଲେଖୁଛି

    ମାନୁନି ମୋହର ମନ ।

ପ୍ରଥମ ଚିଠିର      ପ୍ରଥମ ଧାଡ଼ି ବି

     ଆଜି ମୋର ମନେ ନାହିଁ

ଏତିକି ଜାଣିଛି     ସେ ଧାଡିକ ପାଇଁ

     କବି ହୋଇ ଗଲି ମୁହିଁ ।

ଚିଠି ପାଇଁ ଯେବେ   କଲମ ଧରଇ

     ତୁମରି ପାଇଁ ଗୋ ପ୍ରିୟା

ପ୍ରତିଟି ଅକ୍ଷରେ     କବିତା ଭାବରେ

    ମୋ ଆଗରେ ହୁଅ ଠିଆ ।

କେବେ ତୁମେ ହୁଅ   କବିତାର ଧାଡ଼ି

     କେବେ ଗଳ୍ପର ନାୟିକା

ଉପନ୍ୟାସ ତୁମ     ପାଇଁ ଲେଖାହେଲା

  ( ଚିଠି ) ରହିଗଲା ଅଧା ଲେଖା ।