Library
Profile
ନିଃସଙ୍ଗତା
ନିଃସଙ୍ଗତା
ନିଃସଙ୍ଗତା ଭରେ ମଣିଷ ଜୀବନେ
ବିପଦ ଆପଦ ବେଳେ ;
ଉପଲବ୍ଧି କରେ କେହି ନାହିଁ କାଳେ
ବୁଡ଼ିଯିବି ଭବଜଳେ !!
ସାହାରା ଖୋଜଇ ମ୍ରିୟମାଣ ହୋଇ
ବିପଦେ ପଡିଚି ମୁହିଁ ;
ସାଙ୍ଗ ସାଥୀଗଣ ବନ୍ଧୁ ପରିଜନ
ଆସ ହେ ମୋ ପାଶେ କେହି !!
ବୁଡ଼ିଗଲା ଲୋକ ଆଶ୍ରା କରେ ସତ
କୁଟା ଖିଅକୁ ଲୋ ମିତ ;
ବଞ୍ଚିବାର ମୋହ ହୁଏ ଉଜ୍ଜୀବିତ
ଦୁଃଖଦ ପୁର୍ଣ୍ଣ ଏ ଚିତ୍ର !!
ଅସହାୟତାର ଏ କରୁଣ ଚିତ୍ର
ପ୍ରତୀତ ହୁଅଇ ନିତି ;
ନିଃସଙ୍ଗ ଜୀବନେ ଦୁଃଖ ଅଛି କେତେ
ମନରେ ଭରିଛି ଭୀତି !!
ନିରୀହ ଜୀବନ ବଳି ପଡେ ସତ
ମାନସିକ ଅବସାଦେ ;
ସଂସାର ଭିତରେ ଲୁହଲହୁ ପିଏ
ଦୁଃଖ ଯାତନାରେ କେତେ !!
ଦୁଃଖ ସୁଖ ଚିତ୍ର ସମାଜେ ପ୍ରତୀତ
ଜୀବନର ଅନୁଷଙ୍
ଗି . ;
ନିଃସଙ୍ଗତା ପୁର୍ଣ୍ଣ ଦୁର୍ଲ୍ଲଭ ଜୀବନ
ବଞ୍ଚିବାକୁ ଖୋଜେ ସଙ୍ଗି !!
ପର ଆପାଣାର ସାଥୀ ସହୋଦର
ହୃଦୟେ ଦରଦ ରଖ ;
ତଵ ପ୍ରିୟଜନ ଅସହାୟ ଜାଣ
ହୃଦୟେ ଭରିଛି ଦୁଃଖ!!
ସମ୍ପର୍କ ଦୂଆରେ ପ୍ରତୀକ୍ଷାରେ କିଏ
ଦିଅ ବନ୍ଧୁ ପରିଚୟ;
ସମ ଦୁଃଖେ ଭାଗୀ ହେବା ଆମେ ଜାଣି
ନିଃସଙ୍ଗତା ହେବ କ୍ଷୟ!!
ପ୍ରେମିକ ପ୍ରେମିକା ସର୍ବାଜନାଦୃତା
ହୃଦୟକୁ ଖୋଲା ରଖ ;
ପ୍ରେମରେ ବିରହ ନୁ6ହଁ ଶୁଭଙ୍କର
ନିଃସଙ୍ଗତା ଘୋର ଦୁଃଖ !!
ଭାବ ବନ୍ଧନର ସୁରମ୍ୟ ସଂସାର
ସୃଷ୍ଟିର ମହକ ଧାରା ;
ଯଦି ଝଡଉଠେ ସୁନାବସା ଭାଙ୍ଗେ
ଝୁରିବାଟା ହୁଏ ସାରା !!
ନିଃସଙ୍ଗତା ଏକ ଭିନ୍ନ ଚିତ୍ର ମାତ୍ର
କବି ଭାବନାରେ ମୋର ;
ହୃଦୟରେ କୋହ ଆଖିରେ ଲୋତକ
ଦୁଇଟି ଯାକ ନିଜର !!
