ମୃତ୍ୟୁ ଚିରନ୍ତନ..

ସୃଷ୍ଟି ଆରମ୍ଭରେ ତୁମେ, ପ୍ରାରମ୍ଭରେ ତୁମେ, ମୃତ୍ୟୁ ହେ ତୁମେ 

ନିତ୍ୟ ନୈମିତ୍ୟ, 

କାଳ ଆଗମନେ, କାଳ ବ୍ୟବଧାନେ, କାଳାନ୍ତରରେ ତ ମୃତ୍ୟୁ 

ସତ୍ୟ ବାସ୍ତବ |

ସ୍ଥିତି ଅରୋହଣେ, ସ୍ଥିତି ଅବରୋହଣେ,ସୃଷ୍ଟି ଅବସାନେ ମୃତ୍ୟୁ 

ଅଟେ ଚିରନ୍ତନ, 

ସୃଷ୍ଟିରେ ଅବଶ୍ୟ, ସୃଷ୍ଟିରେ ନିଧାର୍ଯ୍ୟ, ସୃଷ୍ଟି ନିର୍ଗମନେ ମୃତ୍ୟୁ ହିଁ ସ୍ୱୀୟ ଅକାଟ୍ୟ ||

ଯେଉଁଠି ଆରମ୍ଭ, ଶେଷ ଯେ ଅବଶ୍ୟ, ମୃତ୍ୟୁ ଯେ ନିତ୍ୟ,ସତ୍ୟ ଅବଧାରିତ, 

ସକଳ ସୃଷ୍ଟିର ମୂଳ ମନ୍ତ୍ର ସେହି, ସୃଷ୍ଟି ଅନ୍ତଃ ଅବଶ୍ୟମ୍ଭାବି ମୃତ୍ୟୁ 

ଯେ ଗୁଢ ତତ୍ତ୍ୱ..|

ବିନାଶ ନ ଥିଲେ ସୃଷ୍ଟି ଅସମ୍ଭବ, ସୃଷ୍ଟି, ସ୍ଥିତି, ପ୍ରଳୟ, ପ୍ରମାଣିତ 

ପୂର୍ଣ୍ଣ ପ୍ରତିକ୍ଷୀତ, 

ସୃଷ୍ଟି ଓ ସ୍ତିତିରେ, ଏ ଜଗତ ମିଥ୍ୟାରେ ଆରମ୍ଭ ଅନ୍ତଃରେ ପ୍ରଳୟ 

ଯେ ଧ୍ରୁବ ସତ୍ୟ ||

ଶୂନ୍ୟରୁ ଆରମ୍ଭ,ଶୂନ୍ୟରୁ ହିଁ ଶେଷ, ଶୂନ୍ୟ ଅଟେ ସେ ସୃଷ୍ଟି, ସ୍ଥିତି

ଓ ମହା ପ୍ରଳୟ, 

ସୃଷ୍ଟି ଯେ ଆକାର, ସ୍ଥିତି ଯେ ପ୍ରକାର, ଅନ୍ତଃ ଯବନିକା ତ ନିଶ୍ଚିତ 

ସ୍ୱୟଂ ପ୍ରଳୟ |

ଆରମ୍ଭ ଯେଉଁଠି ଶେଷ ବି ସେଇଠି, ଜୀବନ ଅନିତ୍ୟ ସେ ସତ୍ୟ 

ଅବଧାରିତ, 

ବିନାଶ ନଥିଲେ ସୃଷ୍ଟି ଅସମ୍ଭବ, ଜୀବନ ଯେଉଁଠି ମୃତ୍ୟୁ ବି ସେଇଠି ନିତ୍ୟ ସହଚର ||

ହେ ମୃତ୍ୟୁ, ତୁମେ ସତ୍ୟ, ତୁମେ ନିତ୍ୟ, ତୁମେ ଯେ ଧ୍ରୁବ ସତ୍ୟ ନିତ୍ୟ ଅଗୋଚର |

ତୁମେ ସୃଷ୍ଟି ସତ୍ୟ, ତୁମେ ସୃଷ୍ଟି ନିତ୍ୟ, ତୁମେ ବିନାଶରେ ସତ୍ୟ ଶିବ ସୁନ୍ଦର,ପରାତ୍ପରଃ ||