ନ'ବିଭାଜିତ ଚିତ୍ର
ନ'ବିଭାଜିତ ଚିତ୍ର
ପ୍ରେମରେ କଳଙ୍କ ସ୍ଵଂୟ ଚକ୍ରଧର
ବୃନ୍ଦା ଦେବୀ ଅଭିଶାପରେ ପଥର
ହେବା ହୋଇଛି ଆଦୃତ
ପ୍ରେମରେ କଳଙ୍କ ଗୌତମ ଅହଲ୍ୟା
ରାମାୟଣ ରେ ଖୋଦିତ, ୟେ ଚିତ୍ର ।।
ପ୍ରେମରେ କରଙ୍କ ବୋଳା ମଘବାନ
ସହସ୍ର ଯୋନିର ଚିତ୍ରର ଭୂଷଣ
ଚନ୍ଦ୍ରଙ୍କ ପ୍ରେମେ କଳଙ୍କ
ପକ୍ଷେ ବଢି ପକ୍ଷେ କ୍ଷୟ ହୁଏ ଯାହା
ପ୍ରତ୍ୟକ୍ଷ ହୁଏ ବିଦିତ, ୟେ ଚିତ୍ର ।।
ଶଠ ପ୍ରେମ ନଟ ନାଗର ଗୋପରେ
ବୃଷଭାନୁ ଜେମା କଳଙ୍କିତ ହେଲେ
ପ୍ରେମେ ଏହି କଳଙ୍କିତ
ଅଧ୍ୟାୟ ରହିଛି ରହିଥିବ ତାହା
ଇତିହାସ ରେ ଖୋଦିତ, ୟେ ଚିତ୍ର ।।
ଆଜିର ସମାଜ ପ୍ରତାରଣା ଛଳେ
ପ୍ରେମ ଜାଲ ଫାସେ ଜୀବନ ହତାଶେ
ହୀନ କର୍ମେ ହୁଏ ଲିପ୍ତ
ପ୍ରେମେ ପ୍ରତାରଣା କଳଙ୍କ ବୋଳିଲା
ଏହା କି ହେବ ବିଦିତ, ୟେ ଚିତ୍ର ।।
ବୃନ୍ଦାବତୀ ଅଭିଶାପରେ ପଥର
କରିବା ପାଇଁକି ଜଗତ ମଙ୍ଗଳ
ଶାଳଗ୍ରାମେ ବିଭାସିତ
ଅପୂର୍ବ ୟେ ପ୍ରେମ ନିସଙ୍ଗ ମିଳନ
ଅଛେଦ୍ୟ ନ’ବିଭାଜିତ, ୟେ ଚିତ୍ର ।।