ପ୍ରେମ ଏମିତି
ପ୍ରେମ ଏମିତି
ପ୍ରେମ ଏକ ଅଫୁରନ୍ତ ଉତ୍ସ
ପ୍ରେମ ଅଟେ ବିକଚିତ ସୁଗନ୍ଧିତ ପୁଷ୍ପ ।
ପ୍ରେମ ଅନ୍ଧାର ରାତିର ଜହ୍ନ,
ପ୍ରେମ ଏକ ନିଦାଘର ଘର୍ମାକ୍ତ ମଧ୍ୟାହ୍ନ,
ପ୍ରେମ ପୁଣି ସ୍ରୋତସ୍ଵିନୀ ପାହାଡି ଝରଣା,
ପ୍ରେମ ଅଟେ ଶୀତ ରାତି ଅବୁଝା ବେଦନା ।
ପ୍ରେମ ବିଷ,
ପ୍ରେମ ପୀୟୁଷ ।
ପ୍ରେମ ଦେବତାର ଆଶୀର୍ବାଦ,
ପ୍ରେମ ଜୀବନର ମଧୁମୟ ଛନ୍ଦ;
ପ୍ରେମ ଜୀବନର ଅଶା,
ପ୍ରେମ ମୃତ୍ୟୁର କବିତା ।
ପ୍ରେମ ନିର୍ବାକ,
ପ୍ରେମ ବାଚାଳ ।
ପ୍ରେମ ମୁକ,
ପ୍ରେମ ପ୍ରଗଳ୍-ଭ (ପ୍ରଗଳ୍ଭ) ।
ପ୍ରେମ ଏକ ମୃଦୁ ଯନ୍ତ୍ରଣା,
ପ୍ରେମ ଜୀବନର ସୁଖଦ ପ୍ରେରଣା;
ପ୍ରେମ ପୁଣି ଆକାଶର ତାରା ଫୁଲ
ପ୍ରେମ ମନର ଅଭିନ୍ନ ଇନ୍ଦ୍ରଜାଲ ।
ପ୍ରେମ ଅନ୍ଧ,
ପ୍ରେମ ଚକ୍ଷୁଷ୍ମାନ;
ପ୍ରେମ ଏକ ଆବେଗ ଭରା ସଂପର୍କ
ପ୍ରେମ ନିସ୍ଵାର୍ଥ ସମର୍ପଣ ।
ପ୍ରେମ ନିୟନ୍ତ୍ରଣ ବିହୀନ ଅଗ୍ନି ଶିଖା
ଯାହାକୁ ଲଗାଇ ହୁଏନି
ଲାଗିଲେ ଲିଭାଇ ହୁଏନି ।।