ଧନ୍ୟହେଲା ଏ ଜୀବନ
ଧନ୍ୟହେଲା ଏ ଜୀବନ
ମେଘରେ ବିଜୁଳି ଯେହ୍ନେ ପୁଲକ ସଞ୍ଚାରେ
କୃଷ୍ଣ କଳାମେଘ ରାଧା ସୁବର୍ଣ୍ଣ ରଙ୍ଗରେ
ବିଭାସିତ ହୁଏ ଏକେ ଅଭିନ୍ନ ରୂପରେ
ଅବର୍ଣ୍ଣନୀୟ ସେ ରୂପ କବି କଲମରେ ।
ବାର-ବେନି-ପୁର-ସାର ପୁଂସ କୃଷ୍ଣଚନ୍ଦ୍ର
ରଧାରାଣୀ ଶକ୍ତି ସ୍ଵରୂପିଣୀ ପ୍ରାଣ କେନ୍ଦ୍ର
ଦୁଇ ପ୍ରାଣ ଏକ ମନ ଏକଇ ଶରୀର
ସ୍ଵର୍ଗୀୟ ପ୍ରେମର ଉତ୍ସ ନାହିଁ ପଟାନ୍ତର ।
ମରକତ ମଣି ସ୍ତମ୍ଭେ ସୁବର୍ଣ୍ଣ ମଞ୍ଜରୀ
ସମ ରାଧା କୃଷ୍ଣ ଶୋଭା ମନ ମୁଗ୍ଧକାରି
ଅପୂର୍ବ ରୂପେ ତଲ୍ଲୀନ ହୁଅଇ ଧରିତ୍ରୀ
ପ୍ରକୃତି ପୁରୁଷ ଏକାକାର ହୋଇଛନ୍ତି ।
ଧନ୍ୟ ହୋଇଲା ଜୀବନ ଏରୂପ ଦର୍ଶନେ
ବାନ୍ଧିରଖ ଏ ଜୀବନ ତୋ ଛନ୍ଦା ଚରଣେ ।