Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

Rajesh Kumar Jain

Abstract

3  

Rajesh Kumar Jain

Abstract

ଆଜିର ଅଭିଯାନ

ଆଜିର ଅଭିଯାନ

1 min
6.4K


ଆଜିର ଅଭିଯାନ

 

ରାଜେଶ କୁମାର ଜୈନ୍ (ଶାନ୍ତିରାଜେଶ)

 

ନିଶା ନିବାରଣ ଅଭିଯାନ

ଶୁଭାରମ୍ଭ ଆକଣ୍ଠ ମଦ୍ୟପାନ

ଚୋବାଉଥାନ୍ତି ଗୁଟଖା ଆଉ ପାନ

ସିଗାରେଟରେ ଧୂଆଁ ଘନଘନ ।

 

                     ମଞ୍ଚ ଉପରେ ଅତିଥି ମଞ୍ଚାସୀନ

                     ନିଶାନିବାରଣର ଭାଷଣ ଗର୍ଜନ

                     ଶ୍ରୋତା ମାରନ୍ତି ତାଳି ହୋଇ ଉଚ୍ଛନ୍ନ

                     ଆନ୍ତରିକତାର ନାହିଁ ଚିହ୍ନବର୍ଣ୍ଣ ।

 

ଭାଷଣବାଜିଟା ଆଜି ପ୍ରହସନ

ଚାଲିଛି ସାକ୍ଷରତା ଅଭିଯାନ

ଗଣମାଧ୍ୟମରେ ପ୍ରସାର ହେବ ଆରଦିନ

ଜନ ଜନ କରିବେ ଗୁଣଗାନ

ନୂଆ ନାରା : ବାପୁଙ୍କ ସ୍ୱପ୍ନ ହେବ ସାକାର

ରଜାଙ୍କର ଦେଶକୁ ସ୍ୱଚ୍ଛତାର ଉପହାର

ଝାଡୁ ମାରି ନେତାଙ୍କର ନିଜର ପ୍ରଚାର

ବାଃ ବାଃ ରେ ଦେଶରେ ରାଜନୀତି ବେପାର !

 

                     ଆମେ ଅଟୁ ଭାରତର ଜନତା

                     ଦେଶପ୍ରୀତିରେ ନାହିଁ ମମତା

                     କଟାଗଲେ ଚାରିଆଡ଼େ ନାଲିଫିତା

                     ଦେଖାଉ ବର୍ଷା ବେଳର ଛତା ।

 

ଆଇନ କରିଦେଲେ ପ୍ରଣୟନ

ହୋଇଯିବ କି ସଙ୍କଟ ମୋଚନ

ଜନ-ଭାଗିଦାରିରେ ହେଉ ଅଭିଯାନ

ସୃଷ୍ଟି କର ସଚେତନତାର ବାତାବରଣ ।

 

                     ନାରୀ, ପ୍ରାକୃତିକ ସମ୍ପଦ, ପରିବେଶ

                     ୟା’ ବିନୁ କିପରି ହେବ ରାଷ୍ଟ୍ରର ବିକାଶ

                     ଏହାର ସୁରକ୍ଷା ହେଉ ଜାତୀୟ ସନ୍ଦେଶ

                     ତେବେ ହୋଇବ ଭାରତ ସୁନାର ଦେଶ ।

 

ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪

ଫୋନ୍ : ୯୪୩୭୦୨୦୬୧୮

*****


Rate this content
Log in

More oriya poem from Rajesh Kumar Jain

Similar oriya poem from Abstract