ଅନ୍ନଦାତା

ଅନ୍ନଦାତା

 

ରାଜେଶ କୁମାର ଜୈନ୍ (ଶାନ୍ତିରାଜେଶ)

 

ଦେଶର ଯିଏ ଅନ୍ନଦାତା

ଜୁଇରେ ଜଳୁଛି ତା ଚିତା

ସରମରେ ନଇଁଯାଏ ମଥା

କିଏ ଶୁଣିବ ଏମାନଙ୍କ ବ୍ୟଥା ?

 

ମହାରାଷ୍ଟ୍ର ହେଉ ବା ବିହାର

ସବୁ ପ୍ରାନ୍ତରୁ ଗୋଟାଏ ଖବର

ଦୁର୍ଦ୍ଦଶାରେ କୃଷକ ପରିବାର

ଆତ୍ମହତ୍ୟାର ଆସୁଛି ଖବର ।

 

ପ୍ରାକୃତିକ ସମ୍ପଦେ ପରିପୂର୍ଣ୍ଣ ଦେଶ

ଶସ୍ୟଶ୍ୟାମଳା ମାଆର ବେଶ

ଲକ୍ଷ୍ମୀଙ୍କର ଯେଉଁଠାରେ ବାସ

ସେଠି ଆଜି ଚଷା ହତାଶ ।

 

ପ୍ରାକୃତିକ ବିପର୍ଯ୍ୟୟ କରଇ ରଡ଼ି

କେଉଁଠି ବନ୍ୟା ତ କେଉଁଠି ମରୁଡ଼ି

ଫସଲ ଉଜୁଡୁଛି ଭାଡ଼ିଭାଡ଼ି

ଋଣଗ୍ରସ୍ତ କାନ୍ଦେ ଭେମାରଡ଼ି ।

 

ଇଣ୍ଡିଆ ସାଇନିଂର କରୁଛେ ପ୍ରଚାର

ଦୀପ ତଳ ଅଟଇ ଅନ୍ଧାର

ବିଦେଶେ ବୁଲି ବାଂଟୁଛେ ଋଣ

ନିଜ ଘର ବ୍ୟବସ୍ଥା ରୁଗ୍ଣ ।

 

ସମସ୍ୟା ଅଟଇ ଅତି ଗମ୍ଭୀର

ଶୀଘ୍ର ହେଉ ଏହାର ପ୍ରତିକାର

କିଆଁ ରଜା ଆମର ବାକ୍ୟବୀର ?

ଶୁଭୁନାହିଁ ମରଣର ସ୍ୱର ।

 

ନଦୀକୁ ନଦୀ ଯୋଡ଼ିବାର

ବିନା ସୁଧରେ ଋଣର ହାର

ଉପଯୁକ୍ତ ବଜାର, ଶୀତଳ ଭଣ୍ଡାର

ସମାଧାନ ରାସ୍ତା ଅଟେ ଏହାର ।

 

ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪

ଫୋନ୍ : ୯୪୩୭୦୨୦୬୧୮

*****