ମୁଁ ଜଳୁଛି ମରୁଛି

ଯୋ ଦିନ ମରିବି ସେ ଦିନ କାଳିଆ

ମୋ ଆଖିରେ ନଥିବ ଲୁହ,

ଯୋ ଦିନ ଜଳିବି ମଶାଣି ବେଦୀରେ

ମୋ ହୃଦୟେ ନଥିବ କୋହ,

ନିତି ମୁଁ ମରୁଛି ନିତି ମୁଁ ଜଳୁଛି

ରଖି ପାରେ ନାହିଁ ମୋ ଲୁହ କୋହ 

ମୁଁ ଜଳୁଛି ଜଳୁଛି ଜଳୁଛି

ମୁଁ ମରୁଛି ମରୁଛି ମରୁଛି ।(୦)

ଭାବିଥିଲି ତୋତେ ଡାକି ଦୁଃଖକୁ ଭୁଲିବି,

ତୋ ନାମରେ ସୁଖ ଶାନ୍ତି ସବୁ ପାଇ ଯିବି,

ସୁଖ ମୋର ମରୀଚିକା

ଦୁଃଖ ଏକା ଭାଗ୍ୟେ ଲେଖା

ମିଛ ସୁଖ ଖୋଜି ଖୋଜି ଦୁଃଖରେ ବୁଡିଛି

ଅନ୍ତର ରେ କାନ୍ଦି କାନ୍ଦି ଉପରେ ହସୁଛି,

ମୁଁ ଜଳୁଛି ଜଳୁଛି ଜଳୁଛି

ମୁଁ ମରୁଛି ମରୁଛି ମରୁଛି ।(୧)

ତୋତେ ଥରେ ଦେଖି ଦେଲେ ହସ ଫୁଟି ଯାଏ

ସୁଖ ମାଗିବାକୁ ତୋତେ ପୁରା ଭୁଲିଯାଏ,

ସୁଖ ମୋତେ ସ୍ବପ୍ନ ହେଲା

ଦୁଃଖରେ ଦିନ ବିତିଲା

ହାତ ପାତି ନିତି ତୋତେ ସୁଖ ମୁଁ ମଗୁଛି

ଭୋଗିବାକୁ ତୋର ସୁଖ ଏ ଆଖି ବୁଜୁଛି

ମୁଁ ଜଳୁଛି ଜଳୁଛି ଜଳୁଛି

ମୁଁ ମରୁଛି ମରୁଛି ମରୁଛି ।(୨)