ମୋ ପ୍ରିୟା ଶ୍ରାବଣୀ

ଶ୍ରାବଣ ଆକାଶୁ ଶ୍ରାବଣୀ ଝରୁଛି

ସିକ୍ତ ହେଉଅଛି ଧରା

ଶ୍ରାବଣୀ ପରଶେ ମୋ ପ୍ରିୟା ଶ୍ରାବଣୀ

 ସୁକୋମଳ ତନୁ ତୋରା ।।

ସମୀର ଭରୁଛି ମିଠା ଶିହରଣ

ସୁନୟନା ହୃଦୟରେ

ଷୋଡଶୀ ଭିଜୁଛି ଉଲ୍ଲସିତ ହୋଇ

ସବୁଜିମା ବଗିଚାରେ ।

ସଦ୍ୟସ୍ନାତା ଶୋଭା ଲଙ୍ଘିବାକୁ ସୀମା

ସମ୍ମୋହିତ କରିଦେଇ

ଶୃଙ୍ଗାର ରସରେ ହୃଦୟ ଭରୁଛି

ସପନରେ ହଜେ ମୁହିଁ ।

ସପ୍ତସ୍ୱରା ଛନ୍ଦେ ନାଚୁଛି ସଜନୀ

ସ୍ମିତହାସ୍ୟ ଓଠେ ମାଖି

ସପ୍ତପର୍ଣ୍ଣୀ ପରି ଝାଉଁଳି ଯାଉଛି

ସମ୍ମୁଖରେ ମୋତେ ଦେଖି ।

ଶତଭୀରୁ ତା'ର ଗଭାରେ ଶୋହୁଛି

ସୁଗନ୍ଧିତ ଯଉବନ

ଶୂନ୍ୟ ହୃଦୟରେ ପ୍ରୀତି ସୁଧା ଢ଼ାଳି

ସାଥି ହେବ କୋଉ ଦିନ