ମୋ ଜୀବନ ଧନ
ମୋ ଜୀବନ ଧନ
ଦୁଃଖମୋରସାଥୀ ସୁଖମୋ ଅତିଥି
ଦଦରା ପଣତଧରି
ଫାଳେ ବଢାଇଲେ ଫାଳେ ଚିରିଯାଏ
ଯାଉଛି ମୋ ଦିନ ସରି ।
ବାଳୁତ କାଳରୁ କରିଥିଲି ତୋତେ
ନୟନ ପିତୁଳା ମୋର
ମଥୁରାକୁ ଗଲେ ଆଉ କି ଫେରିବୁ
ନୟନୁ ହେଲେ ଅନ୍ତର ।
ବୃଦ୍ଧକାଳେ ତୋତେ ପାଇଥିଲି ଧନ
କରିଲୁ କୋଳ ମଣ୍ଡନ
ନିରିମାଖୀ କରି ଛାଡ଼ି ଯାଉଅଛୁ
ଆରେ ମୋ ରଙ୍କୁଣି ଧନ ।
ପୋଡ଼ିଯାଏ ମନ ପୋଡ଼େମୋ ପରାଣ
କେଡେ ନିଷ୍ଟୁର ବିଧାତା
କେମନ୍ତେ ବଂଚିବ ପିଣ୍ଡେ ପ୍ରାଣ ଧରି
ତୋର ଏ ଯଶୋଦା ମାତା ?
କେଉଁ ଅଭିମାନେ ଚାଲି ଯାଉଛୁରେ
ମୋତେ ସାତପର କରି ?
ଥିବି କି ଜୀବନେ ଥିୟ ଧରି ମନେ
ଆସିଲା ବେଳକୁ ଫେରି ?