ପରିଚୟ

ବିସ୍ଫାରିତ ନୟନଯୁଗଳ ତା'

ବିସ୍ମିତ ହୋଇ ଦେଖୁଥିଲା 

ନେପଥ୍ୟ କୋଳାହଳକୁ

ସମାଜର ଟାହି ଟାପରାକୁ

ଦେହଲୋଭୀ-ନରଭକ୍ଷୀ ମଣିଷ ସମାଜକୁ ।

ତା' ପାଖରେ କିନ୍ତୁ ନ ଥିଲା 

ଏସବୁ ପ୍ରଶ୍ନବାଚୀର ଉତ୍ତର

ପ୍ରତୀକ୍ଷାରେ ଥିଲା ସେ

ରାତି ପରେ ରାତିଦିନ ପରେ ଦିନ

ମାସ ପରେ ମାସ ପରେବର୍ଷ ପରେ ବର୍ଷ

ଦଶନ୍ଧି ଦଶନ୍ଧି ଧରି

ଅନାବିଳ ଆକାଂକ୍ଷାରେ 

ପିପାସିତ ହୋଇ ତା' ଅମୂର୍ତ୍ତ ପ୍ରେମକୁ ।

ସାମାଜିକ ସ୍ବୀକୃତି ବିନା 

ସମୟର ଯଜ୍ଞବେଦୀରେ ପୂର୍ଣ୍ଣାହୁତି ଦେଇ

ପବିତ୍ର ପାପକୁ ପ୍ରସବ ଯନ୍ତ୍ରଣାର ଗର୍ଭଗୃହରୁ 

ଭୂମିଷ୍ଠ କରାଇ ମାତୃତ୍ଵର ଯେଉଁ ଆନନ୍ଦ ତା'କୁ ବିଭୋର କରିଥିଲା ।

ସେହି ସନ୍ତକ ତାକୁ ବାର ବାର ଆକୁଳଆତୁର ହୋଇ 

ତା' ହୃଦୟ ଗ୍ରନ୍ଥିରେ ସେହି ଗୋଟିଏ ପ୍ରଶ୍ନ ଆନ୍ଦୋଳିତ କରୁଥିଲା 

କିଏ ତା ବାପା ?