ଲାଇବ୍ରେରୀ
ପ୍ରୋଫାଇଲ୍
ଶ୍ରଦ୍ଧାଞ୍ଜଳି
ଶ୍ରଦ୍ଧାଞ୍ଜଳି
1 min
439
କେତେ କେତେ ସ୍ବପ୍ନ ରଖିଦେଇ ବାକି
ହେଲୁ ଆକାଶର ଶଶୀ
ସ୍ମୃତିରେ ସ୍ମୃତିରେ ତୋ ଛବି ଆଙ୍କୁଛି
ନିତି ମୁଁ ନିର୍ଜନେ ବସି ।।
ତୋ ଗାଳି ,ଆକଟୁ ତୋ କାନି ପଣତୁ
କରି ଦେଇ ବେସାହାରା
କାହିଁକି କହଲୋ ଛାଡି ଚାଲିଗଲୁ
ଏହି ଦୁନିଆରୁ ପରା ?
ତୋର ଦୃଷ୍ଟି ବିନା ଏବେ ଦିଗହରା
ନାବିକଟିଏ ମୁଁ ସତେ
ସଂସାର ଜଂଜାଳେ ପ୍ରତି ମୁହୂର୍ତ୍ତରେ
ଦଗ୍ଧ ହୁଏ ନିତି କେତେ ।।
ତୋ ଜନମ ଦିନେ ଦେ ମା' ଆଶିଷ
ସରଗ ରାଇଜୁ ଥାଇ
ପ୍ରତି ଜନମରେ ଭୂମିଷ୍ଠ ହୁଅନ୍ତି
ତୋହରି କୋଳରେ ଯାଇ ।।
