ଲାଇବ୍ରେରୀ
ପ୍ରୋଫାଇଲ୍
ପଦଚିହ୍ନ
ପଦଚିହ୍ନ
1 min
200
ସ୍ମୃତିର ସହରେ ଚୋରା ବାଲି ପରେ
ଦେଖେ ତମ ପଦଚିହ୍ନ
ତମ ଅତୀତର ପ୍ରତିଟି ଅସ୍ତିତ୍ୱେ
ବୁଣି ଚାଲେ କେତେ ସ୍ୱପ୍ନ ।।
ସମୟ ସାଥିରେ ତମ ସ୍ମୃତିରେଣୁ
କାହିଁ ପୁଣି ଉଙ୍କି ମାରେ
କାଳର ସୁଅରେ ପୁଣି କେବେ କାହିଁ
ଅପସରି ଯାଏ ଦୂରେ ।।
ବିଜନ ବେଳାରେ ତମ ସ୍ମୃତିରେଣୁ
ପଖାଳେ ନିତି ମୁଁ ବସି
ଅୟୁତ ଆଶାର ଅସ୍ତିତ୍ୱକୁ ନେଇ
ଚାଲେ ବି ଗଣିତ କଷି ।।
ପଦଚିହ୍ନ ତମ ଏବର ଜୁଆର
ଦେଇଛି ସିନା ଲିଭେଇ
ସବୁଦିନ ତାହା ହୃଦୟେ ସାଇତା
ଯିବନି କେବେ ଉଭେଇ ।।
