ମାଆ
ମାଆ
1 min
258
କରୁଣାର ନିର୍ଝରିଣୀ ତୁହି ମା ଗୋ
ସେନେହର ବାରିଧାରା
ତ୍ୟାଗ ତୀତୀକ୍ଷାର ବାରିଧି ତୁହି ମା
ସ୍ମୃତି ତୋର ଅପାସୋରା ।।
ସୁଧାର ଆଗାର ଅଟୁ ମା' ଯେ ତୁହି
ପୀୟୂଷ ଭରା ତୋ ସ୍ୱର
ଅନାବିଳ ପ୍ରୀତି ମନ୍ଦାକିନୀ ତୁ ଯେ
(ଯହିଁ)ସ୍ନେହ ଝରେ ନିରନ୍ତର ।।
ତୁ ଯେ ଶରଧାର ଯମୁନାର ଧାର
ସୁହାଗର ବୈତରଣୀ
ତୋ ପଣତ ଅଟେ ସୁରକ୍ଷା କବଚ
ତ୍ୟାଗ ତୋ କଳି ହୁଏ ନି ।।
ଜୀବନ ମଞ୍ଚରେ ଭୂମିଷ୍ଠ କରାଇ
କରିଛୁ ଯେତିକି ପୁଣ୍ୟ
ଜନ୍ମ ଜନ୍ମ ତୋର ସେବା କରି ମଧ୍ୟ
ନ ପାରିବି ଶୁଝି ଋଣ ।।