ମାଆ ମାଟି ସେବା ହେଉ ଜୀବନର ବ୍ରତ

ଅତୀବ ଗୌରବ ମୟୀ ମାଆ ମାଟି ବେନି 

ଆହା କି ଆନନ୍ଦ ଲାଗେ ତାଙ୍କ ସେବା କରି ।

ଆବଶ୍ୟକ ଦ୍ରବ୍ୟ ସର୍ବ ଥାନ୍ତି ଯେ ଯୋଗାଇ

କେବେ ବି ନ ସରେ ମାଆ ମାଟି ଗୁଣ ଗାଇ ।

ଉତ୍ପାଦିତ କରେ ନାନା ପ୍ରକାର ଫସଲ

ଉପୁଯାଏ ହସ ଖୁସି ଉଲ୍ଲାସ ନିର୍ଝର ।

ଉପକୃତ ହୋଇ ଥାନ୍ତି ଯାହା ପାଇଁ ପ୍ରାଣୀ

ବିପୁଳ ଭାବ , ବିଭବ , ଶକତି ସହଣୀ ।

ଧରି ଉଭା ହୋଇ ଯିଏ ପାଳନ୍ତି ସଭିଙ୍କୁ

 ଅନୁପମ ଦିବ୍ୟ ଦୀପ୍ତି ଢାଳି ସନ୍ତାନ ଙ୍କୁ ।

ଅଶେଷ ସେନେହ ପ୍ରୀତି ବାତ୍ସଲ୍ୟ ମମତା

ସହିତ ପାଳନ୍ତି ଧରି ଯେ ସାହସିକତା ।

ସ୍ନେହ ମୟୀ ଜନନୀ ସେ ବେନି ମାଆ ମାଟି

ତାଙ୍କ ସେବା ପାଇଁ ହେବା ଜୀବନ ରେ ବ୍ରତୀ ।

ଭୁଞ୍ଜାନ୍ତି ସଭିଙ୍କୁ ଯିଏ ସ୍ନେହ ଶ୍ରଦ୍ଧା ଧରି

ସନ୍ତାନ ହିତ ରେ ସବୁ ଦିଅନ୍ତି ଅଜାଡ଼ି ।

ପ୍ରତ୍ୟେକ ଙ୍କ ପାଇଁ କରି ଥାନ୍ତି ସୁବ୍ୟବସ୍ଥା

ତାଙ୍କ ସେବା ପାଇଁ ସର୍ବେ ରଖ ଏଣୁ ଆସ୍ଥା ।

ଖାଦ୍ୟ , ଜଳ ଠାରୁ ଜୀବନ ରେ ଯେତେ ଯାହା

ମାଆ ମାଟି ଯୋଗାନ୍ତି ସେ ପ୍ରତ୍ୟେକ ଙ୍କୁ ତାହା ।

ପ୍ରତି କ୍ଷଣ ପ୍ରତି ପଦକ୍ଷେପେ ଶୁଦ୍ଧ ବାୟୁ

ଯୋଗାଇ ବଢ଼ାଇ ଥାନ୍ତି ଜୀବ ଙ୍କର ଆୟୁ ।

ଜୀବନ ଧାରଣ ପାଇଁ ଯାହା ଯାହା ଲୋଡା

ମାଆ ଆଉ ମାଟି ଠାରୁ ପାଉ ଥାନ୍ତି ତାହା ।

ସ୍ନେହ ଶ୍ରଦ୍ଧା ସ୍ବପ୍ନ ସମ୍ଭାବନା ପୂର୍ଣ୍ଣ କରେ

 ଜୀବନ ହୁଅଇ ଧନ୍ୟ ତାହାଙ୍କ ସେବାରେ ।

ଅବହେଳା ତେଜି କରି ତାହାଙ୍କ ର ସେବା

ଆନନ୍ଦ ଆହ୍ଵାନ ପ୍ରତି ପ୍ରାଣେ ଭରି ଦେବା ।

କୃଷି କାର୍ଯ୍ୟ ଆଉ ବନୀକରଣ ରେ ରତ

ରହିବା ସତତ ହସି ଉଠିବ ମରତ ।

କୁତ୍ରିମତା ତେଜି ପ୍ରାକୃତିକ ଉପାୟରେ

 ପ୍ରାକୃତିକ ଶୋଭା ସୌନ୍ଦର୍ଯ୍ୟ ର ବର୍ଦ୍ଧନ ରେ ।

ରତ ହେଲେ କେବେ କିଛି ନ ହେବ ଅଭାବ

ପ୍ରତି ପ୍ରାଣେ ଉପୁଜିବ ପ୍ରୀତି ଓ ସଦ୍ଭାବ ।