ମା ତାରିଣୀ
ମା ତାରିଣୀ
ପ୍ରାକୃତ୍ତିକମୟ ସବୁଜ ବନାନୀ
ଝରଣା କଳ କଳ ମନ ମୋହିତ ରାଗିଣୀ
ଅରଣ୍ୟ ବାସିନୀ ମା ଘଟ ଗାଁ ତାରିଣୀ
ଶକ୍ତି ପୀଠ ଟିର ଅପୂର୍ବ କାହାଣୀ
ଲୋକ ମତ ହେଉ ଅବା ସତ କାହାଣୀ
କେନ୍ଦୁଝର ରାଜା ପୁରୀରୁ ଆଣି
ଆସିବା ବାଟରେ ମାୟା ରଚିଲୁ ଜାଣି
ମନ୍ଦିର ତୋଳିଲୁ ତୁ ନିଜ ଅନୁଯାୟୀ
ତୋ ମହିମା ଯେ କେ ପାରିବ ବର୍ଣ୍ଣି
ଭକ୍ତଙ୍କ ଭିଡ ସଦା ତୋ କୃପା ପାଇଁ
ମାଟିଦୀପ, ନଡ଼ିଆରେ ତୁ ସନ୍ତୁଷ୍ଟ ପୁଣି
ଭକ୍ତ ମନ ଟିକୁ ଭକ୍ତି ଶ୍ରଦ୍ଧା ତୁ ପରଖି
ଜୀବନକୁ ଦେଉ ଠିକ ରାସ୍ତାଟି କହି
ବିପଦ ଆପଦ ବେଳେ ସାହା ମା ତୁହି
ତୋତେ ଯେ ସୁମରେ ମନ ଦେଇ
ତା ରକ୍ଷା ଯେ ନିଶ୍ଚେ କରୁ ପାଖେ ରହି
ତୋ ବର୍ଣନା କରିବାକୁ ସାହସ ତ ନାହିଁ
କ୍ଷମା କରିବୁ ମୋ ଭୁଲ ଟି ପାଇଁ ।