କୁଆଁରୀ ମନ

କୁଆଁରୀ ମନର କଥା

ଚିର କୁମାର ମୋ ସାଥୀ ରହିଥା

ବଉଳ ଲୋ,

ଫୁଲ ଦୋଳି ନିତି ଝୁଲାଉ ଥା

ବଉଳ ଲୋ।

ମେଘ ଲୋ ମୋ କଥା ମାନ

ପ୍ରିୟ ମୋର ଯଦି କରିବ ମାନ

ବଉଳ ଲୋ,

ଦବୁ ବରଷି ପ୍ରେମ ସିଞ୍ଚନ

ବଉଳ ଲୋ।

ଏ ଦୋଳି ବସୁଣି ପଟା

ମୋର ପ୍ରିୟତମ ମାନ ରଖି ଥା

ବଉଳ ଲୋ,

ତାକୁ ପରଶିବି ପୋଡ଼ପିଠା

ବଉଳ ଲୋ।

ଲୋ ଗଜରା ମଲ୍ଲୀ ଫୁଲ

ବାସ ଚହଟିବୁ ଚଉଦିଗର

ବଉଳ ଲୋ,

ପ୍ରେମ ରସେ ରସିବ ମୋ ବର

ବଉଳ ଲୋ।

କୋକିଳ କୁହୁ ତାନରେ

କହିବୁ ମୋ ପ୍ରିୟ ଥିବେ ସଙ୍ଗରେ

ବଉଳ ଲୋ,

ପିଠା ଖୁଆଇବି ନିଜ ହାତରେ

ବଉଳ ଲୋ।