ମୋ ଗାଁ ମୋ ମାଟି

 

ନିଜ ଗାଁ ମାଟି  ପାଣି ପବନ, 

ଗାଁ ବିଦ୍ୟାଳୟ ଚାଳ ଦୋକାନ, 

ଶ୍ରାବଣ ମାସର କାଦୁଅ ରାସ୍ତା 

ଫଗୁଣ ମେଳଣ ଦୋଳି ର କଥା, 

ସବୁ ହେଲା ଦୂର ବିଦେଶ ଯାଇ 

ମା ମାଟି ବାସ୍ନା ମିଳଇ ନାହିଁ ।

ଏଇ ଘର ଏଇ  ଶାଗ ପଟlଳି 

ସବୁ ଏକା କିନ୍ତୁ ନୁହେଁ ସେ ଭଳି, 

ଏ ତୁଳସୀ ମନ୍ଦl ଏ ଅଗଣା ଫୁଲ 

ସବୁ ଏକା କିନ୍ତୁ ଲାଗେନା ଭଲ, 

କହ ଜହ୍ନ ମାମୁଁ ଆକାଶେ ଥାଇ 

ତୁ ତ ଦେଖୁଛୁ  ମୋ ଗାଁ ଯାଇ ।

ସବୁ ଏକା ଭଳି  ଲାଗେନା କିମ୍ପା 

ଜନ୍ମ ମାଟିରମୋ କି ହେବ ଦେଖା, 

ପେଟ ପାଟଣା କୁ ବିଚାର କରି 

ସାତ ସମୁଦର   ଡେଇଁ ଆସିଲି ।

ହେ ସୂର୍ଯ୍ୟଦେବତା  ଆଶିଷ ଦିଅ 

ଦେଖିବି ମୁଁ ମୋ  ମାଆ ର ମୁହଁ, 

ମାଆ ଜନ୍ମ ଭୂମି ପାଳି ଛି ମୋତେ 

ତାହାରି କୋଳରେ ଖେଳି ଛି କେତେ ।

ବାଳାହକ ବେଗେ  ଯାଇ କହିବ 

ମୋ ଅଗଣା ମଲ୍ଲୀ  ନିତି ଫୁଟିବ, 

ବଉଳ ଗଛରେ   ଫୁଲର କଳି

ନିଇତି ଫୁଟିବ   ପାଖୁଡା ଝାଡ଼ି ।

ବାଡ଼ି ଆମ୍ବ ଗଛ  ପେନ୍ଥl ବଉଳ 

ଟଗର ଓ ଜୁଇ   ଚମ୍ପା ତମlଳ,

ମୋ କେତି ଆଇ  ରାଶି ନଡ଼ିଆ 

ରଖିବ ମୋପାଇଁ ପିଠା ପୋଡୁଆ ।

ପତ୍ର ପୋଡା ଶାଗ  କେରାଣ୍ଡି ମାଛ 

କଖାରୁ ବଡ଼ି କୁ  ଆମ୍ବ ର ଛେଚ,

ରୁଚୁନି ଏ ରୋଟି  ରାଜମା,ପନିର 

କଢି ଭାତକି  ଏ ଛୋଲେ ପୁରି, 

ମୋ ପାଇଁ ରୁଚକ  ପଖାଳ କଂସା

ବlସି ତୋରାଣି ଓ ଆଳୁ ର ଚୋଖା ।

କହଲୋ ବଉଳ  କେବେ ଆସିବ 

ସେଦିନ ମୋମଥା  ମାଟି ଛୁଇଁ ବ, 

କାଳିଆ ଠାକୁର  ପାଖରେ ଅଳି 

ଶିଘ୍ର ସେ ଆଶିଷ  କରିବେ ବୋଲି ।