Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

KRUTIBAS NAYAK

Tragedy Inspirational

3  

KRUTIBAS NAYAK

Tragedy Inspirational

କରୋନା ଆତଙ୍କ

କରୋନା ଆତଙ୍କ

1 min
258


ଆସିଗଲା ମାଡ଼ି କରୋନା ବଢି,

ଆଖି ଜିଭ କାଢି ଦାନ୍ତ ରଗଡ଼ି-

ନିଜଲୋକ ଦେଲେ ପ୍ରାଣକୁ ଛାଡ଼ି |


ଦୁଃଖ ଦେଇଗଲା କାହାକୁ କେତେ,

କେମିତି କହିବି ଛାଡ଼ିଲା ମୋତେ,

କୋଡ଼ିଏ ମସିହା ବିପଦ ସତେ |


ଚୀନ ଦେଶର ଭୂତାଣୁ ସେହି,

ଖାଇଲା ମଣିଷ ଗୋଡ଼େଇ ଗୋଡ଼େଇ,

ନାଚିଲା ଦେଶରେ ତାଥେଇ ତାଥେଇ |


ଖେଳିଲା ଆତଙ୍କ ବୋଲିଲା ପଙ୍କ,

କାଶ ଜର ଥଣ୍ଡା ଲାଗିଲା ଛିଙ୍କ |

ବେପାରୀଙ୍କ ଭାଗ୍ୟ ହୋଇଲା ବାଙ୍କ |


ନିଜର ଆତ୍ମୀୟ ସ୍ଵଜନ ଯେତେ,

ଆତଙ୍କିତ ହୋଇ କାନ୍ଦିଲେ କେତେ,

ଘରଲୋକେ ପର ହୋଇଲେ ସତେ !


ଦୁଃଖ ଆସେ ବନ୍ଧୁ ବାନ୍ଧବ ଧରି,

ଭାଇ ମୋର ବୋଉ ଶ୍ରାଦ୍ଧକୁ ସାରି,

ସେଦିନ ରାତିରେ ଗଲେ ସେ ମରି |


ଏଣେ ମୁହିଁ ଏକା ଦୂରରେ ଅଛି,

କରୋନା ଆତଙ୍କେ ସଢି ରହିଛି,

ବିକଳେ ଖାଲି ମୁଁ ଝୁରି ହେଉଛି |


ଘରର ମୁରବି ମୋ ବଡ଼ଭାଇ,

ଚାଲିଗଲେ ମୋତେ କିଛି ନ କହି,

ସେ ଦୁଃଖ କେମିତି ଭୁଲିବି ମୁହିଁ ?


ସେତେବେଳେ ପତ୍ନୀ ଝିଅ ପାଖରେ,

ଛଟପଟ ହେଲେ ବଡ଼ ଦୁଃଖରେ,

ଆଉମାନେ ନିରୂପାୟ ଶୋକରେ |


ଦୁଇମାସ ପରେ ପତ୍ନୀ ବେମାର,

କରୋନା ହେଇଛି ଆସେ ଖବର,

ଦିଲ୍ଲୀରେ କରୋନା ଗତି ପ୍ରଖର |


ଆମେରିକାରେ ତ ରହିଛି ପୁଅ,

ଦିଲ୍ଲୀରେ ପିଲାଙ୍କ ସହିତ ଝିଅ,

ପଚାରିଲେ ମୋତେ କି ହେବ କୁହ ?


ଭୟଙ୍କର ସ୍ଥିତି ସଭିଏଁ ପର,

ଛୁଇଁବାକୁ ଲାଗେ ସଭିଙ୍କୁ ଡର,

ବିକଳେ କାନ୍ଦିଲା ଝିଅଟା ମୋର |


ଆମେରିକାଠାରେ ଓଡ଼ିଆ ଭାଇ,

ପ୍ରାର୍ଥନା କରିଲେ ମିଳିତ ହୋଇ,

ମହା ମୃତ୍ୟୁଞ୍ଜୟ ମନ୍ତ୍ରକୁ ଗାଇ |


ଘରୋଇ ଚିକିତ୍ସା ଆଗରୁ ଥିଲା,

କରୋନା କେନ୍ଦ୍ରକୁ ବଦଳି ହେଲା,

ଦିଲ୍ଲୀ ସହରରେ ସବୁଠି ଢିଲା |


ପତ୍ନୀ କହିଦେଲେ ଆସନା କେହି,

କରୋନାରେ କେହି ଛୁଇଁବ ନାହିଁ,

ମରିଲେ ମରିବି ଏକାକୀ ମୁହିଁ |


ଈଶ୍ଵରଙ୍କ ଦୟା ଜୀବନ ନେଇ,

ଫେରିଲେ ଘରକୁ ଯନ୍ତ୍ରଣା ପାଇ,

ଇଷ୍ଟ ବାବାମଣି ନାମକୁ ଧ୍ୟାୟି |


ଭୁଲି ହୁଏନାହିଁ ସେଦିନ କଥା,

ଆଜିଯାଏ ଲାଗି ରହିଛି ବ୍ୟଥା,

ତଥାପି ଛାଡ଼ିନି କରୋନା ଚିନ୍ତା |



Rate this content
Log in