ବାପା ତୁମେ ସତେ କି ପଥର

ତୁମେ ବାପା କେତେ ସ୍ୱାର୍ଥପର

କରିବ କିପରି ମତେ ସାତପର

ଛାତିକୁ କିପରି କରିବ ପଥର

ବଞ୍ଚିବି କିପରି ବିନା ତୁମର ?

ଲୋଡୁ ଅଛି ସଦା ତୁମ ସାହାରା

କିପରି କରିବ ମତେ ବେସାହାରା

ନଇ ଟିଏ କି ସତେ ମୁଁ ଅଫେରା

ଭାବୁଛ ତୁମ ବୋଝ ମତେ ପରା ।

ବଞ୍ଚି ପାରିବିନି ବିନା ତୁମର

କି ପାଇଁ ସାଜିଛି ବିହି ନିଷ୍ଠୁର

ତୁମେ ହିଁ ଏକା ଲାଗ ନିଜର

ଅଜଣା ଟିଏ ଯେ କରିବ ଦୂର ।

ଖେଳନା ଟିଏ ମୁଁ ସତେ ଯେମିତି

ଭାଗ୍ୟ ସହ ମୁଁ ଖେଳିବି କେମିତି

କେହି ବୁଝିବେନି ମୋ ପରିସ୍ଥିତି

ଲୁହରେ ଭିଜିବି ସଦା ଦିନ ରାତି ।

ଝିଅ ଜନମ ଟା ହୀନ କପାଳି 

ଅନ୍ୟ ଘରେ ସେ ଜାଳିବ ଦୀପାଳି

ଯେତେ କରିଲେ ବି ଖାଇବ ଗାଳି

ଅନ୍ୟ ଖୁସି ପାଇଁ ନିଜେ ଯିବ ଜଳି ।