ସମ୍ପର୍କ

ସମ୍ପର୍କ ତିଷ୍ଠିକି ଅଛି

କାରଣ ଆଜି ବି ମୁଁ ନିଜକୁ

ଆଇ ମା କାହାଣୀର କୁନି ରାଜକୁମାରୀ ଭାବୁଛି

ଆଉ ତୁମକୁ ରାଜାର ଆସନ ଦେଇ ଦେଇଛି ...।

ସମ୍ପର୍କ ତିଷ୍ଠିକି ଅଛି,,,କାରଣ ତୁମକୁ ତୁମର ଭ୍ରମ ଆଜି ବି ଅଜଣା ଅଛି ଯେ...

ତୁମେ ଯୋଉ ପୋଖରୀର ଛୋଟ ମାଛ ମୁଁ ସେଇ ପୋଖରୀର ଦନ୍ତା କୁମ୍ଭୀର...।

ସମ୍ପର୍କ ଆଜି ବି ତିଷ୍ଠିକି ଅଛି

କାରଣ ମୋ ପ୍ରତିଟି ଛୋଟ ଭୁଲ୍ ପାଇଁ

ମୁଁ କ୍ଷମା ମାଗି ନଉଛି

ପୁଣି ତୁମର ବିରାଟ ଭୁଲ୍ କୁ ଆଖି ବୁଜି ସହି ଯାଉଛି...।

ସମ୍ପର୍କ ଆଜି ବି ତିଷ୍ଠିକି ଅଛି,

କାରଣ ତୁମେ ତାଛଲ୍ୟ କରିବାରେ ମାହିର ଥିଲା ବେଳେ ମୁଁ ନିଜକୁ କୋଉ ଗୋଟେ ଶସ୍ତା ଗଣନାଟ୍ୟର ବ୍ୟଙ୍ଗ ଅଭିନେତ୍ରୀ ବନେଇ ଦେଇଛି...।।