ମୁଁ କିଛି ଲୁଚେଇବିନି ତୁମକୁ
ମୁଁ କିଛି ଲୁଚେଇବିନି ତୁମକୁ
ଗୋଲାପ ଫୁଲର ବାସ୍ନାରେ ସିନା ବଗିଚା ମହକେ କିନ୍ତୁ
ତୁମ ଦେହର ବାସ୍ନାରେ ମୋ ହୃଦୟ ମହକି ଯାଏ
ତୁମେ ପାଖରେ ଥିଲେ ସବୁ ଭୁଲି ଯାଏ
କେତେ ସଫଳ ହେଲି କେତେ ବିଫଳ ହେଲି କି ଅବା
ମିଳିଲା ସାର୍ଥକତା କି ହେଇଗଲି ନିରର୍ଥକ...
ଲୁଚେଇବିନି ତୁମକୁ କିଛି ବି,,,
ଦେଇଥିବା ପରୀକ୍ଷା ଠାରୁ କରିଥିବା
ପ୍ରତୀକ୍ଷା ଭିତର ଯନ୍ତ୍ରଣା
ଶୂନ୍ୟତାର ଅବଶୋଷ ଠାରୁ ପୂର୍ଣ୍ଣତାର ଆତ୍ମସନ୍ତୋଷ ଯାଏ
ଯାହା ବି ଘଟିଛି ସବୁ କିଛି
ତୁମେ ଖାଲି ଥୟ ମନ ହେଇ ଶୁଣିବ...
ଶାନ୍ତ ହେଇ ପରଖିବ ମୋ ପ୍ରେମର ଗଭୀରତାକୁ
ନୀରବ ମୁଁ ରହି ପାରିବିନି ତୁମ ସାମ୍ନାରେ
କାଇଁକି ନା ସାରା ସଂସାର ସିନା ମତେ ନୀରବ ଦ୍ରଷ୍ଟା
ସଜେଇ ପାରିବ କିନ୍ତୁ ତୁମ ଆଗରେ ମୁଁ ମୋ ନୀରବତା ରକ୍ଷା କରିପାରିବିନି..
ତୁମେ ଦୁନିଆକୁ ଜିତିବାକୁ ଚାଁହୁଛ ମୋର ପୁରା ଦୁନିଆ ହିଁ ତୁମେ
ତୁମକୁ ଜିତିଗଲେ ଜିତିଯିବି ପୁରା ଜଗତ,,,
ପ୍ରେମର ସାଂଜ୍ଞା କି ମାପକାଠି ମୋ ପାଖରେ ନାହିଁ
ଅଛି ତ କେବଳ ଯାହା ଅଗାଢ ବିଶ୍ୱାସ ଅତୁଟ ଭରଷା
ଆଉ ଅନନ୍ତ ଭଲ ପାଇବା କେବଳ ତୁମ ପାଇଁ
ମୋ ଭୂତରେ.....ବର୍ତ୍ତମାନରେ.....ଆଗାମୀ ଭବିଷ୍ୟରେ....।।