Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Mahendra Kumar Pradhan

Abstract

4  

Mahendra Kumar Pradhan

Abstract

କଳା ବଉଦ

କଳା ବଉଦ

1 min
23.2K


ଦୂର ଦିଗ୍ ବଳୟୁ 

କଳାହାଣ୍ଡିଆ ମେଘ 

ପକ୍ଷୀସମ ନଭେ ଉଠି ,


ଅପୂର୍ବ ସୌନ୍ଦର୍ଯ୍ୟେ 

ପୃଥିବୀ କୁ ସାଜେ 

ସାରା ଆକାଶ କୁ ଘୋଟି ।


ପର୍ବତ ଶିଖରୁ 

ନାଗଡ଼ା ଗର୍ଜନ 

ଶୁଭେ ଶୁଭ ମେଘନାଦେ ।


ବରଷାରାଣୀର 

ସ୍ବାଗତ ପର୍ବରେ 

କଳାମେଘ ନାଚେ ଆନନ୍ଦେ ।


ଚଗଲା ମନଟା ଆଜି

ଚଳଚଞ୍ଚଳ 

କଳା ବଉଦ କୁ ଦେଖି ।


ଆଣିଅଛି ସିଏ 

ଗୋପନ ବାରତା 

ଗୋପନରେ ମନଲାଖି ।


କଳା ବାଦଲ 

ସାଥେ ଉଡିବାକୁ 

ଏଇ ମୋର ମନପକ୍ଷୀ ,


ମାଟିରୁ ଆକାଶ 

ଦୂରତା କୁ ମାପେ 

ସାରା ଦିଗନ୍ତେ ପୁରାଇ ଆଖି ।


ମୟୂର ସହର୍ଷେ

ଉତ୍ସବମୁଖର 

କଳାହାଣ୍ଡିଆ କୁ ଦେଖି ,


ଚାତକ ର ତୃଷ୍ଣା 

ମେଣ୍ଟିବାକୁ ଆଉ 

ଅଳପ ଅପେକ୍ଷା ବାକି ।


 ମେଘ ଲଫାଫାରେ 

 ପହିଲି ବର୍ଷା ର 

ଚିଠିଟି ସାଇତି ରଖି ,


କୁଶଳ ବାରତା 

ପଚାରିଥିବ ମୋ 

ପରଦେଶୀ ପ୍ରାଣସଖୀ ।


Rate this content
Log in