କିଛି ଅନୁଭୂତି
କିଛି ଅନୁଭୂତି
କିଛି ଅନୁଭୂତି ପୁଣି ଜାଗ୍ରତ
କିଛି ସ୍ମୃତି ହୃଦେ ହୁଏ ଉଜ୍ଜୀବିତ
ଶୀତଳ କୋମଳ ସମୀରେ ରୋମାଞ୍ଚିତ
ହୃଦୟ ଉପବନେ ସୁନେଲି ଅତୀତ l
ସେଇ ସଞ୍ଜ ନଇଁବାର ବେଳେ
ତୁମ ଆଗମନର ବାରତା ଗାଏ
ଦଲକାଏ ଶୀତୁଆ ପବନ ଛୁଇଁଯାଏ
ପ୍ରିୟ ଆସିଲେଣି ପାଶେ କହିଯାଏ l
ରଜନୀ ରାଣୀ ସାଜି ସଜନୀ
ମଥାରେ ଟାଣି କାଳି ଓଢଣୀ
ଗାଉଛି କି ସତେ ପ୍ରେମ ରାଗିଣୀ
ସମହୋନେ ସମୋହିତ ହୁଏ ଧରଣୀl
ଏଇ ମତୁଆଲା ଶୀତୁଆ ରାତିରେ
କେତେ ବାର୍ତ୍ତାଳାପ ଆମ ଭିତରେ
ସାରା ମୁଲକଟା ନିଦ୍ରିତ ହୋଇଯିବାପରେ
ଭରିଥିଲା ସ୍ବପ୍ନ ଖୋଲା ନୟନରେ l
ଆଜି ଭି ଭାରି ସତେଜ ଲାଗେ
ଶୀତ ଲେଉଟେ ଧାରାରେ ଯେବେ
ସବୁକିଛି ସତ ପରି ପ୍ରତୀତ ହୁଏ
ସେ ସୁନାଝରା ଅତୀତ ପୁଣି ଫେରେ l