ଲାଇବ୍ରେରୀ
ପ୍ରୋଫାଇଲ୍
ଜରି ଗୋଟାଳି
ଜରି ଗୋଟାଳି
1 min
250
ଜରି ଗୋଟାଳି ମୁଁ ଜରି ଗୋଟାଳି
ଝାଟି ମାଟି ଘରେ ଜୀବନ ମୋରି
ନାହିଁ ମୋର ମାନ ସମ୍ମାନ ଏଠି
ପେଟ ପାଇଁ ଖଟେ ମୁଁ ନିଇତି ।।
ଘରେ ମୋର ଚାରି ପିଲା କୁଟୁମ୍ବ
ବିଲ ବାଡ଼ି ନାହିଁ ଭାଗ୍ୟ ଖରାପ
ପେଟ ପୋଡ଼ିଯାଏ ଖାଦ୍ୟ ଅଭାବେ
ଜରି ଗୋଟା କର୍ମେ ବଞ୍ଚିଛି ଭବେ ।।
ଅନେକ ସ୍ୱପ୍ନ ବି ଥିଲା ମୋହର
ସବୁ ଆଜି ଇତିହାସ ବକ୍ଷର
କରି ପାରିଲିନି ଜୀବନେ କିଛି
ତଥାପି ସଂଘର୍ଷ ବଞ୍ଚିବା ଇଛି।।
ମୋର ସିନା ନାହିଁ ମାନ ଇଜତ୍
ପରିବେଶ ରଖେ ସଫା ମୁଁହିତ
ସେହି ପରିବେଶ ବହୁ ସୁନ୍ଦର
ଦେଖିଲେ ଆନନ୍ଦ ଜାଗେ ମନର ।।
ହେୟ ଜ୍ଞାନ କର ନାହିଁ ହେ ମୋତେ
ଉପକାରୀ ବନ୍ଧୁ ମୁଁ ତୁମ ଗୋଟେ
ସମ୍ମାନ ପାଇଁକି କରେନି ଆଶା
ଅବସ୍ଥା ଚକ୍ରରେ ମୋର ଏ ଦଶା ।।
