ବୀର ସୈନିକ
ବୀର ସୈନିକ
ହେ ମୋ ଦେଶର ବୀର ସୈନିକ
କୋଟ କୋଟି ପ୍ରଣାମ ତୁମକୁ ,
ତୁମ ପାଇଁ ଗର୍ବ କରୁ ଆମେ
ଯେଣୁ ତୁମେ ରକ୍ଷାକର ଦେଶ ମାତୃକାକୁ ।
ଜୀବନକୁ ଲଗାଇଣ ବାଜି
ଦେଶ ସେବା କରିଥାଅ ନିତି
ତୁମ ସେହି ଦିବ୍ୟ କର୍ମ ପାଇଁ
ଦେଶବାସୀ ପାଇଥାନ୍ତି ଶାନ୍ତି ।
କଷ୍ଟ ସାଧ୍ୟ ଜୀବନ ତୁମର
ତ୍ୟାଗପୂତ ସନ୍ନ୍ୟାସୀର ଭଳି ,
ଦୂର ଦେଶେ କାର୍ଯ୍ୟ କରିଥାଅ
ପ୍ରିୟା, ପ୍ରିୟ ପରିବାର ଭୁଲି ।
ଶତ୍ରୁ କେବେ ଟେକେ ନାହିଁ ମଥା
ଶୁଣି ତୁମ ବନ୍ଧୁକର ନାଦ
ହେ ଦୁର୍ଦ୍ଦାନ୍ତ ଏ ଦେଶର ବୀର
ତୁମେ ଜାଣ ଶତ୍ରୁଜୟୀ ଭେଦ ।
ଭୂମିକମ୍ପ,ବନ୍ୟା,ବାତ୍ୟା ମରୁଡି ସମରେ
ସାଜ ତୁମେ ଆମ ଦେବଦୂତ ।
ତୁମର। ସେ ଦିବ୍ୟସେବା ପାଇ
ବଞ୍ଚିଯାଏ ମୃତ୍ୟୁମୁଖୀ ଜୀବନ ଅନେକ ।
ଯେତେଦିନ ରହିଥିବ ମହୀ
ଯେତେଦିନ ଥିବ ସୂର୍ଯ୍ୟ ତାରା,
ତୁମ ଯଶ ରହିବ ଭୂଲୋକରେ
ଯେଣୁ ତୁମେ ଅଟ ଧ୍ରୁବତାରା ।