ଜ୍ଜ୍ବାଳା ହୃଦୟର

ପଡିଯାଏ ଯେବେ ତୁମ କଥା ମନେ

ହୃଦୟ ଲାଗଇ ଭାରି

ଛାତିରେ ପଥର ଲଦି ହୋଇଯାଏ

ଶେଯ ଲାଗେ କଣ୍ଟା ପରି ।

ଲାଗଇ ହାଲୁକା ଥିଲେ ତୁମେ ପାଶେ

ମନ ସଜଫୁଟା ଫୁଲ

କାହିଁକି ଉଦବେଳେ ହୃଦୟେ ଉଦବେଗ

ତୁମ ଠାରୁ ହେଲେ ଦୂର ।

ଗୁଞ୍ଜେ କାନ ପାଶେ ତୁମ କଣ୍ଠ ସ୍ବର

ଛାୟା ପ୍ରାୟେ ଦିଶେ ରୂପ

ଲାଗେ ସନ୍ନିଧାନେ ଜାଗରଣ ସ୍ବପ୍ନେ

ଘାରେ ହୃଦେ ଭ୍ରମ ଚାପ ।

ଗରଜଇ ହୃଦ କଳାମେଘ ସମ

ବରଷଣ ଅଭିପ୍ରାୟେ

ଉଦାସଇ ପ୍ରାଣ ଅଳୀକ ସ୍ବପନେ

ସୁଖ ମୃଗତୃଷ୍ଣା ପ୍ରାୟେ ।

ଲୋଡା ଓ ଅଲୋଡା ସବୁ ସୁଖଦୁଃଖ 

ମନଛୁଆଁ ପ୍ରେମବାର୍ତ୍ତା

ଲାଗୁ ପଛେ ଯେତେ ସମୟ ନିଶ୍ଚିତ 

କହିବି ଦେଉଛି କଥା ।

ମିଳନ ମଧୁର ସୁଖଦ ମୂହୁର୍ତ୍ତ 

ପ୍ରୀତି ପୂର୍ଣ୍ଣ ସମ୍ଭାଷଣ 

ଜ୍ଜ୍ବାଳା ବିରହକୁ କରେ ସୁଶୀତଳ 

ଉପଶମେ ରାମବାଣ ।