ସମର୍ପଣ

ମୁଁ ତୁମ ସ୍ବାମୀ ନୁହେଁ 

ମୁଁ ତୁମ ପ୍ରେମିକ ନୁହେଁ 

କି ନୁହେଁ ତୁମ ପରମ ମିତ୍ର 

ତଥାପି ମୁଁ ତୁମକୁ ଜାଣିଛି ଆପାଦ ମସ୍ତକ 

 ତୁମେ ନୁହେଁ ବେଶ୍ୟା 

କି ନୁହେଁ ମୁଁ ତୁମ ଗ୍ରାହକ 

ତଥାପି ତୁମେ ମୋ ଉପଭୋଗ୍ୟା 

ମୁଁ ଛୁଇଁନି ତୁମକୁ ଦେଖିନି ତୁମକୁ 

ତଥାପି ଅନୁଭବି ପାରେ 

ତୁମ ନିଃଶ୍ବାସ ପ୍ରଃଶ୍ବାସ 

ମାପିପାରେ 

ହୃଦୟ ର ସ୍ପନ୍ଦନ କୁ 

ଦେହର ଉତ୍ତାପ କୁ 

 ତୁମ ଉତେଜନା 

ଆଉ ତୁମ ନରମ ପଣ କୁ 

ପଢିପାରେ ତୁମ ସମର୍ପିତ ଭାବ 

ଆଉ ତୁମ ହତାଦର କୁ 

ବାସ୍ତବ ରେ ତୁମଠି ମୁଁ ଟିପ ବି ଦେଇନି 

କିନ୍ତୁ କଳ୍ପନା ରେ ତୁମ ଦେହ ମୋ ଦେହ 

ଗୋଟିଏ କରି ସାରିଛେ ଆମେ 

 

ସତରେ ଏ ମୋବାଇଲ ପ୍ରେମ ବି 

ଭାରି ଫାଜିଲ୍ 

ଦେଖି ନଥିବା ଛୁଇଁ ନଥିବା ମଣିଷ କୁ ବି 

କୋଉ ଛଟକ ରେ ଆପଣାର କରିଦିଏ 

ତାର ଟେର୍ କିଛି ବି ମିଳେନି । 

କିନ୍ତୁ ବଡ଼ ଆଶ୍ଚର୍ଯ୍ୟ କଥା ଏତକ 

ତୁମେ ମୋ ପ୍ରେୟସୀ ନୁହେଁ 

କି ମୁଁ ତୁମ ପ୍ରିୟତମ । 

ବାସ୍ ସମ୍ପର୍କ ଚାଲିଛି ବିଶ୍ବାସ 

ଆଉ ସମର୍ପଣ ର ।