କଷ୍ଟ

ଭୁଲ୍ ର ମାତ୍ରା ଅଧିକ ହୋଇ

କିଛି ଅଘଟଣ ଘଟିବା ଆଗରୁ

ସଂପର୍କରୁ ଓହରି ଆସିବା ବହୁତ ଭଲ ।

ହରଣ ଗୁଣନ ଜୀବନ ଭିତରେ

ବିଶ୍ବାସର ମିଶାଣକୁ ନେଇ

ସନ୍ଦେହ ଉଠିଲେ

ସେଠି ଉଭୟ ମଝିରେ

ଫେଡାଣର ଗାର ଟାଣିନେବା ହିଁ ଭଲ ।

ପ୍ରୀତି ଅନୁରାଗ ଗୋଲାପ ଗଛରୁ

ପାଖୁଡ଼ା ଝଡି କି ପତ୍ର ସବୁ ସୁଖି 

ଗାଲିଚା ଉପରେ ଲୋଟିବା ଆଗରୁ

ନିଜକୁ ସଜାଡି 

ନାମକୁ ସଂପର୍କ ରଖିବା ଭଲ ।

ସ୍ନେହ ଶ୍ରଦ୍ଧା ଭଲପାଇବା ବଦଳେ

କିଛି ବୋଲି କିଛି ନଥିବା ଆଳରେ

ଘୃଣା ହତାଦର ପାଇବା ଆଗରୁ

ନିଜକୁ ତମଠୁ ଦୂରେଇ ରଖିବା ଭଲ ।

ନିଜେ କଷ୍ଟ ପାଇ ନିଜକୁ ଜଳାଇ

ତୁମରି ସ୍ମୃତିରେ ଭିଜିବା ଭଲ ।