Library
Profile
ତୁମ ସହ ବନ୍ଧୁ ବାନ୍ଧିବା ପରେ
ତୁମ ସହ ବନ୍ଧୁ ବାନ୍ଧିବା ପରେ
ମୁଁ ଆଉ ମୁଁ ହୋଇ ନାହିଁ
ତୁମେ ମୋ ଜୀବନେ ଆସିବା ପରେ
ମୁଁ ଆଉ ମୁଁ ହୋଇ ନାହିଁ
ତୁମେ ମୋ ହାତ ଧରିବା ପରେ ।
ମୋତେ ଗୋଡିରୁ ମୁକ୍ତା ରେ
ତିଆରି ସାରିଛ ତୁମରି ସ୍ପର୍ଶରେ
ମଧୁର ମୂର୍ଚ୍ଛନା ଭରି ଦେଇଛ
ମୋ ଚତୁଃପାର୍ଶ୍ଵ ତୁମରି ସ୍ବନରେ ।
ମୁଁ ଆଉ ମୁଁ ହୋଇ ନାହିଁ
ତୁମରି ସାଥିରେ ଭିଜିବା ପରେ
ମୁଁ ଆଉ ମୁଁ ହୋଇ ନାହିଁ
ତୁମରି ଭିତରେ ହଜିବା ପରେ ।
ତୁମେ ତ ସେଇ ଯିଏ ମୋ ଭୁଲକୁ
ତୃଟିକୁ ସଜାଡି ଦିଏ ଅଛଟକରେ
ମୋତେ ଖାଲ ଢିପରୁ କଢ଼େଇ ଆଣି
ଚାଲିବାକୁ ଦିଏ ପକ୍କା ସଡ଼କରେ ।
ମୁଁ ଆଉ ମୁଁ ହୋଇ ନାହିଁ
ତୁମ ସ୍ନେହ ଶ୍ରଦ୍ଧା ପାଇବା ପରେ
ମୁଁ ଆଉ ମୁଁ ହୋଇ ନାହିଁ
ତୁମ କଥା ସବୁ ମାନିବା ପରେ ।
ତୁମେ ତ କୁଢିଆକୁ କର୍ମଠ କରାଅ
ତୁମ ସ୍ନେହାଶିକ୍ତ କଥାରେ କଥାରେ
ତୁମେ ତ ଅବସାଦ ଦୂର କରି
ମନେ ଖୁସି ଭର ତୁମ ଦରଭିଜା ହସରେ ।
ମୁଁ ଆଉ ମୁଁ ହୋଇ ନାହିଁ
ତୁମରି ସାନ୍ନିଧ୍ୟ ପାଇବା ପରେ
ତୁମ ପରି ବନ୍ଧୁ ମୋ ପରିଧି ରେ
ପାଦ ଥାପି ଚାଲିବା ପରେ ।
ନିଜେ ତୃପ୍ତ ହୁଅ ଅନ୍ୟର ଖୁସି ରେ
ସବୁ କଷ୍ଟ ଦୁଃଖ ସହିବା ପରେ
ମୁଁ ଯଦି ବାଟୋଇ ତୁମେ ବଟ ବୃକ୍ଷ ସେଠି
ମୁଁ ଯହିଁ ଚାଲିକି ଥକ୍କିଲା ପରେ ।
ସତରେ ମୁଁ ଆଉ ମୁଁ ହୋଇ ନାହିଁ
ଅନ୍ୟକୁ ବୁଝିବା ହସି ହସାଇବା
କଳାଟି ତୁମଠୁ ଟିକିଏ ଜାଣିବା ପରେ
ତୁମ ସହ ବନ୍ଧୁ ବାନ୍ଧିବା ପରେ ।
