ସ୍ମୃତିରେ ତୁମେ

ତୁମେ ଅତୀତରେ ହିଁ ଭଲ ଶ୍ରଦ୍ଧା 

ତୁମେ ସେମିତି ଅତୀତ ହୋଇ ଥାଅ

ଅତିତର ସ୍ମୃତି ମାନ ବହୁତ ଭଲ

ସତେ ଯେମିତି ଆମ ଗାଁ ନଈ କୂଳର

ଥଣ୍ଡା‌ ସୁଲୁସୁଲିଆ ପଵନ

ତମ ସ୍ନେହ ‌ଭିଜା ଚିଠି 

ତମ ହାତ ଲେଖା କବିତା 

ମୋବାଇଲରେ ଘଣ୍ଟା ଘଣ୍ଟା କଥା 

ଆଉ ଚୁମା ଚାଟି ଯେତେ ସବୁ ଦୁଷ୍ଟାମୀ

ତମ ଦରଭିଜା ହସ 

ତମ ଚୁଡିଦାର ପତଳା ଦେ‌ହକୁ

ମଥାରେ କୁନି କଳା ବିନ୍ଦି

ପାଦରେ ସରୁ ପାଉଁଜି

ଗୋଟେ ହାତରେ ଦୁଇଟି 

ଆଉ ଗୋଟେ ହାତରେ ଗୋଟେ ଚୁଡ଼ି

ମୁହଁ ହାଲକା ମେକଅପ୍ 

ଓଠରେ ହାଲକା ନାଲି ଲିପଷ୍ଟିକ୍ 

ଉଫ୍ ‌କଣ ଲାଗୁଥିଲ ତୁମେ 

ଚଳଚ୍ଚିତ୍ର ନାୟିକା ନହେଲେ ବି

ଯୋଉଠି ଚାଲି ଯାଉଥିଲ

ପୁଅମାନେ ଅନ୍ୟମନସ୍କ ହୋଇ ଯାଉଥିଲେ

ତୁମ ପାଇଁ ତୁମକୁ ଦେଖି

ତମେ କିନ୍ତୁ ମୋ ପାଇଁ ସ୍ପେସାଲ୍ ଥିଲ

ମୋତେ ତମର ଖାସଟିଏର 

ଦର୍ଜା ଦେଇଥିଲ

ତୁମର କୁନି କୁନି ଉପହାର 

ମୋ ପାଇଁ କୁନି ଦୁନିଆଁଟେ ଥିଲା 

ଆଉ ମୁଁ ତୁମକୁ ପ୍ରଶଂସାରେ ପୋତି ପକୋଉଥିଲି

ଧନ୍ୟବାଦର ଲୋରି ଗାଇ

ମୋ ସାଙ୍ଗ ସହ ତୁମ ଘରକୁ ଯିବା 

ଆଉ ତୁମ ହାତ ଧରି କେତେ କଥା ଗପିବା 

ତମର ମଙ୍ଗଳ ମନାସୀ 

ନିଜ ହାତରେ ତିଆରି ଥିବା ଘୋଡ଼ା ଟାପୁ ମୁଦି

ତୁମ ଆଙ୍ଗୁଳିରେ ପିନ୍ଧେଇବା

ସତରେ କେତେ ମିଠା ଦିନ ସବୁ ଥିଲା ସେ 

ତମ ହସ ନିର୍ଭେଜାଲ ଥିଲା ସେତେବେଳେ 

ବିଲକୁଲ ସ୍ୱଚ୍ଛ ନିର୍ମଳ

ଶ୍ରଦ୍ଧା ତୁମେ ସତରେ ସ୍ମୃତିରେ ସବୁଠୁ ‌ସୁନ୍ଦର‌ ମୋ ପାଇଁ 

ଦରକାର ନାହିଁ ବର୍ତ୍ତମାନର ତୁମେ ଆଉ ମୁଁ 

ଖାପଛଡା ତୁମେ

ସ୍ୱାମୀ ସହ ମୋତେ ଦେଖି 

ନ ଚିହ୍ନିବାର ଅଭିନୟ

ଦରକାର ନାହିଁ ଜମା 

ତମେ ସେମିତି ମୋ ମନରେ ସୁନ୍ଦର ସ୍ମୃତିଟେ ହୋଇ ଥାଅ ।

ସୁନ୍ଦର ସ୍ମୃତିଟେ ହୋଇ ଥାଅ