ସୋରିଷ

କି ସୁନ୍ଦର ଦିଶେ ଝଲ ମଲ ହସେ

ସୋରିଷ କ୍ଷେତରେ ଫୁଲ

ପୀତ।ଭ ଆଭାରେ ଜନ ମନ ହରେ

ଫୁଟିଣ ଏ ଶୀତ କାଳେ ।

ତୈଳ ବିଜ ଶସ୍ୟ ଅଟଇ ସୋରିଷ

ପ୍ରଚୁର ଅମଳ ମିଳେ 

ନଈ ପଠା ବିଲ ବାଡି କିଆରୀରେ

ଏହି ଗଛ ଚାଷ ହୁଏ ।

ହଳଦୀ ରଙ୍ଗର ଫୁଲ ଫୁଟି ଶୋଭା

 ପରିପୂର୍ଣ୍ଣ ଆଭା ବୁଣେ

ଶୀତ କାକରରେ ଆହା କି ରୁଚିରେ

ସୁଦିବ୍ୟ ଆନନ୍ଦ ସୃଜେ ।

ଦିଶୁଥିବା ଫୁଲ ଫଳ ହେଲେ ହୁଏ

ସୋରିଷ ଶସ୍ୟ ଅମଳ

କ୍ଷେତ ବିଲ ବାଡି ପଡିଆ କୋଳରେ

ହୁଏ ଏ ଚାଷ ପ୍ରଚୁର । 

ଖାଦ୍ୟ ପ୍ରସ୍ତୁତିରେ ହୁଏ ଉପଯୋଗ

ସୋରିଷ ତେଲ ସବୁଠି

ଶୀତର ଦାଉରୁ ରକ୍ଷା ପାଇବାକୁ

ସୋରିଷ ତେଲ ମାଖନ୍ତି ।

ନାନା ପ୍ରକାରର ପ୍ରସାଧନ ଦ୍ରବ୍ୟ

ହୁଏ ଏଥିରୁ ପ୍ରସ୍ତୁତ

ସୋରିଷ ତେଲକୁ ଗରମ କରିଣ

ଉଷୁମ ଥିବା ବେଳେ ତ ।

ତହିଁରୁ ଉତ୍ପନ୍ନ ହୁଅଇ ଅନେକ

 ପ୍ରକାରର ମୌଉଷଧି  

ନିମିଷକ ମଧ୍ୟେ ନାଶି ସେ ପକାଏ

ବହୁ ବିଦ୍ଧ ରୋଗ ବ୍ୟାଧି ।