ଅମାନିଆଁ ଶୀତ

ତମେ ଆସିବ ଆସିବ କହି

              ଆସିଲ ନାହିଁ

ତୁମ ଆସିବା ଆଗରୁ ଶୀତ

             ଆସିଲା ଧାଇଁ ।

ଅବୁଝା ମନ ବୁଝେନା

          ତୁମ ବିନା କିଛି

କୁମୁଦ କି ଚାନ୍ଦ ବିନା 

         ରହିପାରେ ବଞ୍ଚି

ଅମାନିଆଁ ରାତି ମନେ-

          ଜାଳି ଦିଏ ନିଆଁ

ତା' ଠାରୁ ଏଇ ଶୀତ

          ବେଶୀ ଅମାନିଆଁ 

    ନାହିଁ ନାହିଁ କଲେ ବେଶି

    ନାହିଁ ନାହିଁ କଲେ ବେଶି

            ଧରୁଛି ଜଡ଼େଇ

           ମନା ମାନେ ନାହିଁ ।

ତମ ପାଇଁ ସଜେଇଲି

           ଫୁଲର ଚାଙ୍ଗୁଡ଼ି

ଶୀତର ଜାଡ଼ରେ ସବୁ

            ଗଲା ସିନା ଝଡ଼ି

ଅଲାଜୁକୀ ମନ ମୋର

             ହୁଏ ସକସକ

ତା' ଠାରୁ ଏଇ ଶୀତ

            ବେଶି ଅଲାଜୁକ

     ନାହିଁ ନାହିଁ କଲେ ବେଶି

     ନାହିଁ ନାହିଁ କଲେ ବେଶି

           ନେଉଛି କୋଳେଇ

            ମନା ମାନେ ନାହିଁ  ।