Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lunar Das

Romance Tragedy Inspirational

4  

Lunar Das

Romance Tragedy Inspirational

ଜୀବନ ପରେ ବି

ଜୀବନ ପରେ ବି

1 min
240


ମୁଁ ତୁମ ସହ ନିଶ୍ଚୟ ଭେଟିବି

ସେଇ ଅଦୃଶ୍ୟ ମାର୍ଗରେ

ପାହି ଆସୁଥିବା ସକାଳ ରେ

ଯେଉଁଠି ସମୟର ଜ୍ଞାନ ନ ଥିବ ।


ସବୁକିଛି ଅପୂର୍ବ ଲାଗୁଥିବ

ଘସାପିଟା ଜୀବନଚର୍ଯ୍ୟା ଠୁ 

ଅନେକ ଭିନ୍ନ.........

ନିରବ ଆଶ୍ରୟଟେ ଯେମିତି

ମେଘଭର୍ତ୍ତି ଆକାଶର ତଳେ ।


ମୁଁ ଜାଣିଛି ତୁମେ ନିଶ୍ଚୟ ଆସିବ

ଏ ଜନ୍ମର ବିଶ୍ୱାସରେ ,

ମୋ ସମର୍ପଣର ଭରସାକୁ

ଦାଉରେ ଲଗାଇ........

ଜୀବନ ଆଉ ମୃତ୍ୟୁର

ଖୋଲା ରାସ୍ତାରେ

ଚିମୁଟାଏ ଖୁସି ପାଇଁ

ନିଶ୍ଵାସର ଭାରି ପଣ 

ଯେଉଁଠି ବାରି ହେଉ ନଥିବ ।


ମୋ ହସର ମନଛୁଆଁ ସ୍ପର୍ଶରେ

ଉନ୍ମାଦର ଅଭିସନ୍ଧିଟିଏ ଖୋଜିବାକୁ

ତୁମକୁ କେତେ ଯୁଗ ବା ଲାଗିବ

ତେବେ ବି ତୁମଠୁ ମୋର

କିଛି ଆଶା..ଅଜଣାରେ ।


ସେଇ ଶତାବ୍ଦୀର ଇତିହାସ

ତୁମର ସବୁଦିନିଆ କଥାରେ

ଜଷ୍ଟ ପାଞ୍ଚ ମିନିଟ୍ ......

ହେଇ ଗଲି ଆଉ ଆସିଲି

ଅପେକ୍ଷା ତ ଆୟୁତ ଯୁଗର ।


ମୋ ଅଭିମାନରେ ସବୁରୀର

ଆୟତନ କେତେ ଯେ ସୀମା

ଲଙ୍ଘନ କରିଛି,

ତୁମେ କେମିତି ବି ବୁଝିବ

ତେବେବି,

ଝୁକି ଯାଉଥିବା ଆଖିର

ଦୀର୍ଘତା ମାପି ବାରେ

ମାପ କାଠି ବି ନଥାଏ

ସ୍ବପ୍ନ ମାନେ ଯେ ଅସଂଖ୍ୟ ଥାଆନ୍ତି ।


ଯେଉଁ ଅନ୍ଧକାରରେ

ଘନନୀଳର ଭାବ ଥାଏ

ସେ ଭାବଧାରାର ପୂର୍ଣ୍ଣତାରେ

କେଉଁ ଦୁଷ୍ଟାମୀର ଅପେକ୍ଷା  

ସେଇ ନିଧିବନର ଆଦେଖା ପ୍ରହରକୁ

ଝୁରୁଥାଏ ।


ମୁଁ ଜାଣିଛି,

ମୁଁ ତୁମସହ ନିଶ୍ଚୟ ଭେଟିବି

ବାକି ଜନ୍ମର ଅଧ୍ୟାୟଟିଏ

ରଚିବାକୁ,

ଉଆଁସୀ ରାତ୍ରିରେ ଭୟକୁ

ଆଖିଠାର ମାରି

ତୁମ ସହ ଚାଲିବାକୁ ।


ଜୀବନ ଆଉ କିଛି ନୁହେଁ

ଦୁଇ ଅକ୍ଷରର ବାଲିବନ୍ଧଟିଏ ଟାଣିବାକୁ

ଜୀବନରେ ବି 

ଜୀବନ ପରେ ବି............ ।



Rate this content
Log in