ଜହ୍ନର ଠିକଣା
ଜହ୍ନର ଠିକଣା
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଜହ୍ନର ଠିକଣା ଲୋଡ଼ା ନାହିଁ ମୋତେ
ମୋ ପାଖେ ମୋ ଜହ୍ନ ଅଛି
ତୁଳନା କରିଲେ ମୋ ଜହ୍ନ ସାଥିରେ
ଆକା ର ଜହ୍ନ ନୁହଁ କିଛି ॥
ଧୋବ ଫରଫର ଜହ୍ନର ଦେହରେ
ଟିକେ ତ କଳଙ୍କ ଥାଏ
ମୋ ଜହ୍ନ ଦେହରେ ନାହିଁ ତ କଳଙ୍କ
ତା ମଧ୍ୟେ ମୁଁ ନିଜକୁ ପାଏ ॥
ଆକାଶର ଜହ୍ନ ଅଟେ ସଭିଙ୍କ ନିଜର
ମୋ ଜହ୍ନ କେବଳ ମୋର
କେହି କେବେ ତାକୁ କରି ପାରିବେନି
ମୋ ଅନ୍ତର ହୃଦୟୁ ଦୂର ॥
ଟିକିଏ ଶାନ୍ତ ସିଏ ଟିକେ ଅଝଟିଆ
ଗୁଣ ଗାରିମାରେ ଭରା
କେବେ ହସୁଥାଏ କେବେ ରୁଷି ଯାଏ
ମୋ ଅନ୍ଧ ଲଉଡ଼ି ପରା ॥
ପ୍ରକୃତି ଜହ୍ନଟି ଅମାବାସ୍ୟା ଦିନ
ଦେଖାଇ ପାରେନା ରୂପ
ମୋ ଜହ୍ନଟି ସବୁ ଦିନ ସୁନ୍ଦର
କେବେ ସରେନା ଚମକ ॥