Library
Profile
ଜହ୍ନ ର ଠିକଣା
ଜହ୍ନ ର ଠିକଣା
ପ୍ରଜାପତି ଉଡ଼େ ଆଜି ଜୀବନେ
ଉତ୍ ଫୁଲ୍ଲ ହୁଏ ମନ ଅଗଣା,
ହୃଦୟ ମୋ ଖୋଜେ ବସି
ଜହ୍ନ ର ଠିକଣା ।
ପ୍ରଥମ ପ୍ରେମର ପହିଲି ରଙ୍ଗ
ଦେହେ ମୁଁ ବୋଳି,
ଲାଗୁଛି ଧୀରେ ଧୀରେ ଦୁନିଆକୁ
ଗଲିଣି ଭୁଲି ।
ଲାଗେ ସବୁ ନୂଆ ନୂଆ
ସ୍ବପ୍ନ କରେ ମତୁଆଲା ,
ସଙ୍ଗୀତର ସାତ ସୁର ନୁହେଁ
ଜଣଙ୍କ ନାମ ଶୁଭେ ସୁରିଲା ।
ହାତ ଠାରି କହେ ଜହ୍ନ ସତେ
କରୁଛି ସେ ଈର୍ଷା ,
ଲାଜକୁଳୀ ଚେହେରା ପ୍ରିୟାର
ମେଣ୍ଟାଏ ମନର ତୃଷ୍ଣା ।
ଜହ୍ନ ର ଠିକଣା ପାଇଗଲେ ଥରେ
ପଚାରିବି ପାଶେ ଯାଇ,
ପ୍ରେମରେ ପଡ଼ିଲେ କାଇଁ ସବୁ
ରଙ୍ଗୀନ୍ ରଙ୍ଗୀନ୍ ଲଗାଇ ।
ପ୍ରଥମ ପ୍ରେମ ର ବ
ର୍ଷା ରେ
ଦେହ ମନ ଯାଏ ଭିଜି,
ଦିନ ରାତି ଭାବନା ରେ ବୁଡି ଯାଏ
କିଛି ମୁଁ ପାରେନା ବୁଝି ।
ସତେ ପ୍ରେମ ଏକ ନିଆରା ଅନୁଭୂତି
ହୃଦୟ ହୁଏ ବନ୍ଦୀ,
କେହି ଜଣେ ଭଲ ପାଇବାର
ଶିକୁଳି ରେ ଦିଏ ଛନ୍ଦୀ ।
ଆଖିର ପଲକ ଝରକା ସେପାଖେ
ଦିଶି ଯାଏ ତାର ମୁହଁ ,
ନ ଦେଖି ସପନ ତାର
କେମିତି ରହିବି କୁହ ।
ଗୋଲାପ ସାଜି ଫୁଟିଛି ସତେ ସେ
ମୋ ମନ ବଗିଚାରେ ,
ସୁନ୍ଦର୍ ଏକ ତାଜମହଲ ଗଢିଛି
ଏଇ ମୋ ହୃଦୟ ରେ ।
ପ୍ରଥମ ପ୍ରେମ ସଦା ରହିବ ଜୀବନ୍ତ
ଜୀବନ ରେ ମୋର,
ଦୁନିଆ ର ସବୁ ଖୁସି ମୁଁ ସାଉଁଟି
ପ୍ରିୟାକୁ ଦେବି ଉପହାର ।
