ଜାରଜ

"ମୁଁ"

ଜୀବ-ସତ୍ତା'ର ପ୍ରାରମ୍ଭିକ ଶବ୍ଦ,

ଆଦି'ରୁ ଅଦ୍ୟାବଧି

"ମୁଁ"--ଅଖଣ୍ଡ ପ୍ରବହମାନ

ବେଦପତି ବ୍ରହ୍ମାଙ୍କ

ଜଠର-ଗୁଞିତ

ଓଁ"କାର ନାଦ'ଠାରୁ,

ଆଦାମ୍ ଓ ଇଭ୍'ର 

ଅନାକାଂକ୍ଷିତ କାମନା ଠାରୁ,

ଅହଲ୍ୟା'ଠାରୁ ନିର୍ଭୟା ପର୍ଯ୍ୟନ୍ତ-

କୃର୍ଷ୍ଣ'ଠାରୁ କୌଟିଲ୍ୟ ପର୍ଯ୍ୟନ୍ତ-

ରାମ'ଠାରୁ ରହିମ ପର୍ଯ୍ୟନ୍ତ-

ମୁଁ--ମୁଁ--ମୁଁ--ମୁଁ-----ଅଖଣ୍ଡ

ଆଦିମରୁ----ଅଧୁନା---

ଦୁର୍ମିଳ-ଦାନବ'ର ଶୁକ୍ରାଣୁରେ

ପଦ୍ମାବତୀ ରାଣୀଙ୍କ ଜଠରେ

ଜାରଜ-ଭୃଣ

କଂସ'ଟିଏ "ମୁଁ"---

ପାଣ୍ଡୁ ଧର୍ମ'ପତ୍ନୀ

କୁନ୍ତୀ'ଙ୍କ ଧ୍ୱସ୍ତ-ଜରାୟୁ ଓ

ପଞ୍ଚ-ପାଣ୍ଡବଙ୍କ

ଉତ୍ତରଦାୟାଦ--ମୁଁ..... ମୁଁ..,,

ଆଦିମ-ମାନବର

ସଂଜ୍ଞାହୀନ ସମ୍ପର୍କରେ

ପାଶବ-କାମନା'ଟିଏ "ମୁଁ"

ଆଉରଙ୍ଗଜେବ'ର ବିଳାସ'କକ୍ଷରୁ

ସଂଗୋପିତ କୁଆଁରୀ-ଭୃଣ'ଟିଏ "ମୁଁ"

ଅନାବିଷ୍କୃତ ଜାତି-ପରିଚୟ'ହୀନ

 ଅଖଣ୍ଡ ପ୍ରବହମନ

ଧାରା'ଟିଏ "ମୁଁ"-

ଏକ ସମଷ୍ଟି

ହୁଏତ-

ପିରାମିଡ଼୍ ସଭ୍ୟତାରୁ,

ଅଥବା-

ସିନ୍ଧୁ'ସଭ୍ୟତାର କ୍ରୋଡ଼ରୁ

ଆଜି'ଯାଏ ବଞ୍ଚିଥିବା "ମୁଁ"ଟିଏ "ମୁଁ"

କୋଟି'ଯୁଗ ଶୁକ୍ରାଣୁ ସଂଗମର

ପ୍ରବାହ'ଟିଏ "ମୁଁ"....

ମାନବବାଦର ଉଦ୍ଘୋଷକ

ହୁଏତ "ମୁଁ" "ଜାରଜ"--

ତଥାପି---

"ମୁଁ"---ସ୍ୱଚ୍ଛ "ମାନବ"... ।