Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Nayana Kumar Mohanta

Others

3  

Nayana Kumar Mohanta

Others

ମା'ଟିର ନୀଡ଼

ମା'ଟିର ନୀଡ଼

1 min
11.8K


      


ପରମାଣୁ ଦଗ୍ଧ ମାଟିର ପଞରୁ,

ପ୍ରଳୟ ବାରିଧି ଅତଳ ତଳରୁ ।।

କେତେ ଝଡ଼-ଝଞା କେତେ ଅବପାତ,

ସହିଅଛି ସବୁ କରି ମଥା ନତ ।।

            ଦୂବ ମୁହିଁ ମରି ନାହିଁ,

ମହାଦ୍ରୁମେ ଯହିଁ ବରିଲେ ନିର୍ବାଣ-

            ଜୀଇଁଛି ମୁଁ ନଇଁ ନଇଁ......(୧)


ରଣାଙ୍ଗନେ ବୀର ଦୃପ୍ତପଦ ପାତେ,

ପଶୁଙ୍କ ଚାରଣ ଅବା ଖୁର'ଘାତେ ।।

ଗ୍ରୀଷମ ଆତପେ ଜଳିଛି ତୁରିତେ,

ଶୁଷ୍କ ତୃଣ ହୋଇ ଅଗ୍ନିର ସଙ୍ଘାତେ ।।

            ଦହିତ ପାଉଁଶ ତଳୁ,

ସ୍ୱଚ୍ଛନ୍ଦେ ଗାଇଛି ଜୀବନର ଗୀତି-

            ଆଜିଯାଏ ଆଦି କାଳୁ......(୨)


ତୁଷ୍ଟି ସାଧିଅଛି ଦେବତାଙ୍କ ଶିରେ,

ଯଦ୍ୟପି ମର୍ଦ୍ଦିତ ହୋଇଛି ପୟରେ ।।

କରି ହେୟଜ୍ଞାନ ନିଜ ସ୍ୱାଭିମାନ,

ପର ଉପକାରେ ସହିଛି କଷଣ ।।

           ନବ ଉଷା'ଛବି ହେଜି,

ଇଚ୍ଛାଶକ୍ତି ବଳେ ଲୋଟି ପାଦତଳେ-

           ତଥାପି ଯାଇନି ଭାଜି......(୩)


ଅହଂ ସ୍ୱାଭିମାନେ ନାଶ ଦୂର୍ଯ୍ୟୋଧନ,

ଲଙ୍କେ ଲଙ୍କପତି ଲଭିଲା ମରଣ ।।

ନତଶିରେ ସୁଗ୍ରୀ କିସ୍କିନ୍ଦା ରାଜନ,

ନତଶିରେ ରାଜା ହେଲା ବିଭୀଷଣ ।।

           ନତ ଜିଣଇ ଜଗତ,

ଶିରୋନ୍ନତେ ଘାତ ବିଧିର ବିଧାନ-

           ସୃଷ୍ଟି କରେ ସନ୍ତୁଳିତ......(୪)


ସଦା ଭୀତ ସେହି ପଡ଼ିବାକୁ ତଳେ,

ଉର୍ଦ୍ଧ୍ବେ ରହି ଯେହୁ ତଳ'କଥା ଭାଳେ ।।

ସଦା ମନେ ଦିଏ ଦାରୁଣ ଯାତନା,

ତଳେ'ଥାଇ ଉର୍ଦ୍ଧ୍ବେ କରେ ଯେ କାମନା ।।

            ପ୍ରଶାନ୍ତି ଏ ଧରା ତଳେ,

ନଭଶ୍ଚୁମ୍ବୀ ଆଶା କ୍ଷଣିକେ ଲଭଇ-

            ସମାଧି ମାଟିର କୋଳେ......(୫)


ଆନତଗାମିନୀ ଶିଖରୁ ତଟିନୀ,

ଲଭେ ଲକ୍ଷ୍ୟସ୍ଥଳ ବାଧା ଅତିକ୍ରମି ।।

ଉର୍ଦ୍ଧ୍ବେ ନିକ୍ଷେପିତ ଢେଲା ତଳେ ଆସି,

ମାଟିର ପଣତ ଚୁମି ହୁଏ ଖୁସି ।।

            ତଳେ ମମତାର ନୀଡ଼,

ମାଟିପରେ ପାଦ ନଥାପି କିଏସେ-

            କେବେ କି ହୋଇଛି ବଡ଼......(୬)

                      



Rate this content
Log in