Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Nayana Kumar Mohanta

Tragedy Crime

2  

Nayana Kumar Mohanta

Tragedy Crime

ଯୁଗାନ୍ଧକାର

ଯୁଗାନ୍ଧକାର

1 min
225



ଯୁଗମଶାଣିର ବୁକୁପରେ

କାଳରାତ୍ରି ପଣତର ଛାୟା,

ସ୍ତୁପ ସ୍ତୁପ ଇତଃସ୍ଥତ

ଧର୍ଷିତାର ଅର୍ଦ୍ଧଦଗ୍ଧ ଶବ,

ଦୂରେ କାହିଁ....

ଅନ୍ଧାର-ଜଠରେ

"ରଜନୀ" ରାଣୀର

ଧର୍ଷିତା-ଭୂଲୁଣ୍ଠିତା

ଅବଶ-ଉଲଗ୍ନା

ଉତ୍ତାନଶାୟିନୀ

ବିକ୍ଷିପ୍ତା-କେଶା

କ୍ଷତାକ୍ତ ଅବୟବ,..

ବିବାକ୍ ଝଙ୍କୃତ ପବନରେ

ଭାସିଆସେ ସୁରା ଓ ସିଗାରେଟ୍ର

ଉତ୍କଟ ଗନ୍ଧ.......


ଅପ୍ରାପ୍ତ ଯୌବନା

କିଶୋରୀ ବାଳିକାର

କ୍ଷତ-ବିକ୍ଷତା

ଅଙ୍ଗସୌଷ୍ଟବରୁ

ଟେଳା-ଟେଳା ରକ୍ତକୁ

ମୁଠାଇଧରି,

ଉତ୍ଫୁଲ୍ଲିତ ବାହୁଯୁଗଳକୁ

ଉର୍ଦ୍ଧ୍ବେ ତୋଳି,

ଷ୍ଫୀତ-ବକ୍ଷେ କରମାରି,

ଧର୍ଷିତା-ଶବପରେ 

ଦର୍ପିତ-ପଦ ଥାପି,

ଗଡ଼ଜୀଣା ବିଜୟ-ଦମ୍ଭେ

ମଦମତ୍ତ ହୋଇ

ଆଦିମ-ଉଦ୍ଦଣ୍ଡ ନୃତ୍ୟ କରେ

"ଧୃର୍ଷ୍ଣୁ"

ରକ୍ତ-ପିଶାଚ.....


ସଲଜ୍ଜ-ସଂକୁଚିତା

କୁଆଁରୀ-ରାଇଜର

ପ୍ରବାଳ-ଦୁର୍ଗ ପାଚେରୀ

ଧ୍ୱସ୍ତ କରିବା ପୌରୁଷତ୍ୱର

ପୈଶାଚିକ ଆନନ୍ଦରେ

କିଳି-କିଳା ନାଦେ

ପ୍ରକମ୍ପିତ କରେ

ରାତ୍ରିର ନିସ୍ତବ୍ଧ-ଆକାଶ,,

ଥରିଉଠେ କୋମଳ-କଳିକା

ଆଉ...

ତମାମ ଉପବନର

ଅନୁର୍ବର ମାଟିର ପଞର

ପାଦଘାତେ ଚୁନାହୁଏ

ଅପରିପକ୍ୱ ଅସ୍ଥି-ମଜ୍ଜା........


କେତେ ନଖାଘାତ-

କେତେ ବିଷଦାନ୍ତ ଚୋଟର କ୍ଷତଚିହ୍ନ

ବିଲୀନ ହୋଇଛି ନୀରବରେ

ଏଇ ଯୁଗାନ୍ଧକାର ବୁକୁରେ...!

କିଏବା କହିବ ତାର ହିସାବ...?

କହିଲେ କହିପାରେ 

ଯୁଗ-ପ୍ରପୀଡିତା

ଯୁଗାନ୍ତର-ଧର୍ଷିତା

ଏଇ "ରଜନୀ"...

ଅରଣ୍ୟରୋଦନ ତାର

ବୁକୁ ବିଦାରକ ଆର୍ତ୍ତଚିତ୍କାର,

ଅବଲୂପ୍ତ ପ୍ରତିବାଦର ସ୍ୱର କ୍ରମଶଃ..

କେବଳ-

ପେଚକର କର୍କଶ-ରାବର ବିକାର

ତା ଯୁଗ-ଆର୍ତ୍ତନାଦ,

ନିସ୍ତବ୍ଧ ରାତ୍ରିରେ କଦବା

କମ୍ପିତ ବୁକୁର ଦୀର୍ଘଶ୍ୱାସ

ପବନ ଝଙ୍କାରେ....

ସିଗାରେଟ୍ର ନିଆଁଝୁଲ

ଜାଳେ ଶତ ଯୂଇ

ଷ୍ଫୁଲିଂଗଟିଏ ହୋଇ.......


ସହସ୍ରଯୋନିର ବିଷାକ୍ତ ଶୁକ୍ରାଣୁରେ

   "କଳୁଷିତା"

ହେ ରଜନୀ ତୁମେ-

ଯୁଗଧର୍ଷିତା ଅହଲ୍ୟା,

କେବଳ ପଦରଜ-

କୋଟିଯୁଗ ମନୋବାଞ୍ଛା...।




Rate this content
Log in