Library
Profile
ଜାଣିଛ କି ?
ଜାଣିଛ କି ?
1 min
11
କଥା କହୁ କହୁ ମୋ ମୁଁହରେ
ଯଉଁ ଲାଲିମା ଉଏଁ
ଜାଣିଛ କି
ସ୍ରୋତ ସ୍ରୋତସ୍ୱିନୀ କିଏ
ତୁମ ମଲ୍ଲୀଫୁଲିଆ ମୁଁହ ଯେବେ ଦିଶିଯାଏ
ଗୀତ ଗୁଣୁଗୁଣୁ ମୋ ଆତ୍ମାରୁ
ଯେଉଁ ଉଁକାର ଧାଏଁ
ଜାଣିଛ କି
ସ୍ଵର ସଙ୍ଗମ ସରଗମ୍ କିଏ
ତୁମ ଚୁଡିର ରୁଣୁଝୁଣୁ ଯେବେ କାନେ ପଡିଯାଏ
ଚିତ୍ର ଆଙ୍କୁ ଆଙ୍କୁ ମୋ ତୂଳୀରୁ
ଯେଉଁ ଚିତ୍ରକଳ୍ପ ଗାଏ
ଜାଣିଛ କି
ସପ୍ତବର୍ଣ୍ଣି ରଙ୍ଗମହଲର ଉତ୍ସ କିଏ
ତୁମ ଲହଲହକା ଦର୍ଶନ ଯେବେ ପାଏ
କାମ କରୁ କରୁ ମୋ ମନରେ
ଯେଉଁ ତଲ୍ଲୀନତା କହେ
ଜାଣିଛ କି
ଉତ୍ସାହ ଉଦ୍ଦିପନାର ବୀଜମନ୍ତ୍ର କିଏ
ତୁମ ନିସର୍ତ୍ତ ଅର୍ପଣ ସମର୍ପଣ ଯେବେ ଭାଏ
ଯାତ୍ରା କରୁ କରୁ ମୋ ପଥରେ
ଯେଉଁ କର୍ମ ତତ୍ପରତା ପାଏ
ଜାଣିଛ କି
ଅଗ୍ରବିନ୍ଦୁ ସିନ୍ଧୁ ସାମ୍ରାଜ୍ୟ କିଏ
ତୁମ ମହୁଲି ଯୌବନ ଯେବେ କଥା କହେ ।।
