ବିକଳ୍ପ ତୁମର

କବିତା - ବିକଳ୍ପ ତୁମର
ରଚନା - ପଞ୍ଚାନନ ଜେନା
 ତାରିଖ -୨୨-୦୨-୨୦୨୬
++++++++++++++++
 କହିବାର କଥା ନୁହେଁ
ତଥାପି କହିବାକୁ ଦେବୁ କି?

 ଶୁଣିବାର କଥା ଯମାରୁ ନୁହେଁ
 ତଥାପି ଶୁଣିବାର ଅଭିନୟ କରିବୁ କି ?

 ତୁମକୁ ମନେ ମନେ ବହୁତ ଭଲ ପାଉଛି
 ପ୍ରତ୍ୟକ୍ଷ ପ୍ରମାଣ ମାଗିବାକୁ ବାଧ୍ୟ କରିବୁ କି ?

 ତୁ ବାରିପଟ ସଜ ପନିପରିବା ପରି ଛନଛନ
 ତୁ ସାଗ ପଟାଳି ପରି ସବୁଜ କଅଁଳ କନକନ
ତୁ କୁଣ୍ଡରେ ଫୁଟିଲା ଫୁଲ ପରି ହିଁସୁଲି ଯୌବନ

 ହାତ ମୁଠାରେ ରଖିଛି ପ୍ରେମପତ୍ର
ତୁ ମୁଠା ଖୋଲିକି ନେବୁ କି ?
ତୁ ଏଇଠି ପଢିବୁ ମନେ ମନେ କି ?
 ତୁ ମୁରୁକି ହସିକି କୋଳରେ ଆଉଜି ଯିବୁ କି?
 ତୁ ରାଗିକି ବହେ ଗାଳିଦେଇ ତମତମ ଯିବୁ କି ?

 ସାଦରେ ପ୍ରସ୍ତାବ ଆମର
  ତୁମ ନିକଟରେ ବିକଳ୍ପ ତୁମର
ମାନିନେଲେ ଯୁଗ୍ମ ଜୀବନ ଆରମ୍ଭ ମାତ୍ର
ନ ମାନିଲେ ଭାବିନେବି ଦରଖାସ୍ତ ଅଗ୍ରାର୍ଯ୍ୟ ହେଲା ଅତ୍ର