ହୃଦୟର ବ୍ୟଥା
ହୃଦୟର ବ୍ୟଥା
ସବୁକଥା, ହୃଦୟର ବ୍ୟଥା ଖୋଲି କହିତ ହୁଏନା ।
ଠିକ ଅଛି ସଜ୍ଜନ ପ୍ରବର
ତୁମେ ମଧ୍ୟ ସ୍ୱାଧୀନ ସ୍ୱତନ୍ତ୍ର
ଘୋଡା ପରି ଇଚ୍ଛା ତୁମ ଦଉଡିଲେ
ଆମ୍ଭେ ନିରୁତ୍ତର
ହତବମ୍ବ ଜରାଜୀର୍ଣ୍ଣ ସମୟର ଚକ୍ର ।
ଜୀଇବା ଜୀବନ ଶୈଳୀ ଏକାନ୍ତ ନିଜସ୍ଵ
ଅନୁତାପ କର ବା ନକର
ଖତଗଦା ଭାବିପାର ଆମ ସୁସ°ସ୍କାର
ନିଜଙ୍କୁ ବି ଭାବିପାର ପର
ମାତା ପିତା ଗୁରୁ ଗୁରୁଜନ
ହୋଇପାରେ ତୁମ ପାଇଁ
ଅର୍ବାଚ୍ଚୀନ ନୀଚ୍ଚ ବା ଇତର
ଭକ୍ତି ଭରେ ବିଶ୍ୱାସେ ମାନୁଛୁ ଆମେ
ଯାହାକୁ ଠାକୁର
ଭାବିପାର ତୁମେ କାଷ୍ଠ ପାଷାଣ ମାତର ।
ବିଚ୍ଚିତ୍ର ଏଇ ସ°ସାରେ କିଛି ନୁହେଁ ଅସମ୍ଭବ
କିମ୍ଭୁତ ବା କୁତ୍ସିତ ପ୍ରକାର
ଘୋଟିଯାଏ ଅନ୍ଧକାର ଦିବସକୁ
ସର୍ବଗ୍ରାସୀ ଗର୍ବ ଅହଙ୍କାର
ତିନି ତୁଣ୍ଡେ ଛେଳି ବି କୁକୁର ,
ଉପଭୋଗ ଅଧିକାର ସାବ୍ୟସ୍ତରେ
ମଣିଷ ପାଗଳ
କି°କର୍ତ୍ତବ୍ୟ ନାହିଁ ଗତ୍ୟନ୍ତର
ଈଶ୍ୱର ବି ସହିବାକୁ ବାଧ୍ୟ ଏଠି
ଦୁର୍ଜନଙ୍କ ପାପ ବ୍ୟଭିଚାର ।
ଦୁର୍ବିସହ ହୃଦୟର ବ୍ୟଥା
ଅକାଳ ଏ ଘଡିସନ୍ଧି ବେଳ
ଉପଶମ ପାଇଁ କିଛି ନାହିଁ ଉପଚାର ।