ହେତୁବାଦୀ

ପୁଣ୍ୟ ଧାମ ଭାରତ ବର୍ଷେ

ବେଦ ପୁରାଣ ଯୋଡ଼ା ।

ହିନ୍ଦୁ ଶାସ୍ତ୍ରରେ ଲିଖିତ ତଥ୍ୟ

ସମାଜ ପାଇଁ ଲୋଡା।

ଶାସ୍ତ୍ର ଜ୍ଞାନକୁ ସମ୍ମାନ ଦେଇ

ଜୀବନ ତରୀ ବାହୁ ।

ନିର୍ମଳ ଭାବ ହୁଏ ସମ୍ଭବ

ଜ୍ଞାନ ବିକାଶ ତହୁଁ।

କେଉଁ ଯୁଗରୁ ମାନ୍ୟତା ଅଛି

ଗ୍ରହଣ ପରାଗ କଥା ।

ହେତୁବାଦୀଏ ବିଭ୍ରାଟ କରନ୍ତି

ଶାସ୍ତ୍ରବାଦୀଙ୍କ ଆସ୍ଥା।

ଧିକାର ତୁମ ଜନ୍ମକୁ ନାସ୍ତିକ

ତୁମେ କି ହିନ୍ଦୁ ନୁହଁ।

ଜଗନ୍ନାଥଙ୍କ ପାଞ୍ଜିକୁ ତୁମେ

ଦ୍ବିମତ କାହିଁ କୁହ ।

ମାନୁନ ତୁମେ ଶାସ୍ତ୍ର ପୁରାଣ

ମାନୁନ ଧର୍ମାଧର୍ମ ।

ବିନାଶ କାଳେ ବୁଦ୍ଧି ହିନତା

ସହିବ ନାହିଁ ଧର୍ମ ।

ମାନୁଛୁ ଆମେ ବିଜ୍ଞାନ ଯୁକ୍ତି

ମିଛ ନୁହଁଇ ବୋଲି।

ତଥାପି ଆମେ ଧର୍ମକୁ ମାନୁ

ସତ୍ୟ ନ୍ୟାୟରେ ଚାଲି।

ଉଆଁଶ ଆସେ ପୂନେଇ ଆସେ

ତିଥିରେ ମାସ ଦିବସ।

ହେତୁବାଦୀଙ୍କ କଥା ଶୁଣିଲେ

ଲାଗୁଛି ଉପହାସ।