ହାସ୍ୟ ରସ

ଶୃଙ୍ଗାର, ହାସ୍ୟ, କରୁଣ,

ରୌଦ୍ର, ବୀର, ଭୟାନକ,

ବୀଭତ୍ସ, ଅଦ୍ଭୁତ, ଶାନ୍ତ ନବ ରସର

ଏ ସମାହାର କାବ୍ୟକୁ କରେ ସମୃଦ୍ଧ। 

ହେଲେ ଜୀବନ ରୂପକ କାବ୍ୟରେ

ହାସ୍ୟ ରସ ଭରେ ମାଦକତା

କିଛି କ୍ଷଣର ଏ ହସ ଧାରଟିଏ

ମୁଖମଣ୍ଡଳରେ ଭରେ ଆଭା।

ହାସ୍ୟ ରସ ସୃଷ୍ଟିକାରୀ ପରିହାସକାରୀ

ମୁହଁରେ ରଙ୍ଗ ମାଖି

ନିଜର ଦୁଃଖକୁ ସେ ରଙ୍ଗବୋଳା

ମୁହଁ ପଛରେ ରଖି ହସେ ଓ ହସାଏ।

ଦୁଃଖର ନଈରେ ଖୁସିର ନାଆଟିଏ

ବାହି ନେବା ଏତେ ସହଜ ନୁହେଁ 

ଯିଏ ବାହାନିଏ ସିଏ ଏଠି ଜୟ କରିଯାଏ

ଏ ଅମୂଲ୍ୟ ଜୀବନକୁ।