ଏସିଡଆଟାକ୍
ଏସିଡଆଟାକ୍
ତାର ପ୍ରେମ ମୋର ପାଇଁ କାଳ ଆସି ହେଲା
କି ପ୍ରେମ ସେ ମନେ ମନେ ମୋତେ କରୁଥିଲା l
ପ୍ରେମ ଦିଏ ଜୀବନ ଯେ ଶୁଣିଥିଲି ମୁହିଁ
ହେଲେ ତାର ପ୍ରେମ ନେଲା ଜୀବନ ଛଡାଇ l
ମୋ ଚେହେରା ଦେଖି ସିଏ ପାଇଥିଲା ଭଲ
ସେଥିପାଇଁ ଜାଳିଦେଲା ମୋର ମୁହଁ ଓ ଗାଲ l
ଏସିଡ ଫିଙ୍ଗିଲା ସିଏ ମୋ ଚେହେରା ପରେ
ଏଇ କଣ ପ୍ରେମ କିଏ ବୁଝାଇବ ମୋରେ l
ପ୍ରତ୍ୟାଖ୍ୟାନ କଲି ବୋଲି ତାହାରି ପ୍ରେମକୁ
ଏସିଡ ଫିଙ୍ଗି ନଷ୍ଟ କଲା ମୋହରି ମୁହଁକୁ l
କେତେ ରାତିଦିନ କେତେ ସଞ୍ଜ ଯେ ସକାଳ
ବହୁତ ଯନ୍ତ୍ରଣା ସହି ହେଲି ମୁଁ ବିକଳ l
ଅନେକ ଜ୍ୱାଳା କୁ ମୁହିଁ ସହି ସହି ରହି
ନିଜ ଗୋଡ଼େ ଛିଡା ହେବି ପଣ କଲି ଏହି l
ରାଗ କରୁନାହିଁ ଏବେ ତାହାର ଉପରେ
ଧନ୍ୟବାଦ ଦେଉଅଛି ଅନ୍ତର ମଧ୍ୟରେ l
ଭାବିଥିଲା ଭାଙ୍ଗିଦେବ ମୋର ସ୍ବପ୍ନ ସବୁ
କିନ୍ତୁ ନୂଆ ଜୀବନ ଟେ ପାଇଗଲି ବାବୁ l
ଲକ୍ଷ୍ୟ ମୋର ମଜବୁତ ଗଲି ନାହିଁ ହାରି
ଲୁଚେଇନି ମୁହଁ ଦେଲି ଓଢଣୀ ଉତାରି l
ନିଜ ପରିଚୟ ମୁହିଁ ଖୋଜି ପାଇଗଲି
ମୋର ଆତ୍ମା ସୁନ୍ଦରତା ତେବେ ମୁଁ ଦେଖିଲି l
ଚେହେରା କେବେ ନା କେବେ ନିଶ୍ଚେ ଝାଉଁଳିବ
ଅନ୍ତର ଆତ୍ମା ସୌନ୍ଦର୍ଯ୍ୟ ସେହିପରି ଥିବ l
କାପୁରୁଷ ସିଏ ଥିଲା ପୌରୁଷ ତା ହୀନ
ଭୀରୁ ଥିଲା ନପାରିଲା ହୋଇ ମୋ ସମାନ l
ଉଦୀୟମାନ ମୋହର ଆକାଂକ୍ଷା କୁ ଦେଖି
ଭୀରୁ ପଣେ ସେହି ପୁଣି ଚୋରାଇଲେ ଆଖି l
ଉଡାଣ ଭରିଲି ମୁହିଁ ଦିବ୍ୟ ଗଗନରେ
ଫେରି ଚାହିଁଲିନି କେବେ ତଳକୁ ମୁହିଁ ରେ l
ବିଶ୍ୱାସ ମୋ ଦୃଢ଼ ସିଏ ପାରିଲାନି ଭାଙ୍ଗି
ଏହି ଚେହେରା ମୋ ଦେଲା ଜୀବନକୁ ରଙ୍ଗି l
ଲୁଚିନାହିଁ ଘର କଣେ ଦେଖୁ ସେହି ଆଜି
ଦୁନିଆରେ ପରିଚିତ ମିଶାଲ ମୁଁ ସାଜି l
ଲୁଚି ଅଛୁ ତୁହି ଆଜି କୋଣେ ମୁହଁ ଜାକି
କେବେ ଆଉ ପାରିବୁନି ତୁହି ମୁହଁ ଟେକି l
ପ୍ରେମରେ ପାଇବା ନୁହଁ ଦେବାରେ ଆନନ୍ଦ
ମନ ରଖ ସ୍ୱଚ୍ଛ ତୁହି ନ ରଖ ତୁ ଛନ୍ଦ l
ଏସିଡ ଅଟଇ ସିନା ଜ୍ୱଳନ୍ତ ଅଙ୍ଗାର
ଜାଳି ସିନା ପାରେ ସିଏ ଶରୀର କାହାର l
କେବେ ପାରିବନି ସିଏ ଜଳାଇ ସ୍ବପ୍ନ କୁ
ଏହି କଥା ହେଜ ରଖ ଭୀରୁ ତୁ ମନକୁ l
Never lose hope.The man who attacked you will cover his face, you won't.
Heartly salute to all acid attack survivors.