ଏଇ ସଂପର୍କର ଚାରିକାନ୍ଥ ତୋଳି

ଏଇ ସମ୍ପର୍କର ଚାରିକାନ୍ଥ ତୋଳି 

             ତୁମକୁ କରିଛି ବନ୍ଦୀ

ଏଇ ସମ୍ପର୍କ ଚାରିକାନ୍ଥ ତୋଳି

ତୁମକୁ କରିଛି ବନ୍ଦୀ

ସହଜରେ ଆଉ ମୁକୁଳିବା ପାଇଁ

ମିଛରେ ହେବନି ଧନ୍ଦି !

ମନ ସିମେଣ୍ଟରେ ଲୁହ ହସ ଫେଣ୍ଟି 

କରିଛି ବଢ଼ିଆ ପାଗ

ପ୍ରେମ ଇଟା କେବେ ଭୁଷୁଡ଼ିବ ନାହିଁ

ସନ୍ଦେହ ଘୃଣାର ରାଗ,

ସୋହାଗରେ ଖୁସି ଜୀବନଟା ଭଲା

ବାହୁରେ ଗଳାକୁ ଛନ୍ଦି 

.........ଏଇ ସମ୍ପର୍କର ଚାରିକାନ୍ଥ ତୋଳି

            ତୁମକୁ କରିଛି ବନ୍ଦୀ ! ୧ !

ଚାରିକାନ୍ଥେ ଥାଇ ଅସୁମାରୀ ସ୍ବପ୍ନ

ଆଶାର ଗଜଲ୍ ତୋଳି

ଆପଣାର ତୁମେ ମହା ଅନୁଭବ

ସାବାସ୍ ଜୀଇବା ତାଳି,

ଭୁଲିବାର କେବେ ଭାବିନି ମୋ ରାଣେ

ବୁଲିନି ସତର କନ୍ଦି

.........ଏଇ ସମ୍ପର୍କର ଚାରିକାନ୍ଥ ତୋଳି

            ତୁମକୁ କରିଛି ବନ୍ଦୀ ! ୨ !