ଏହି ଜହ୍ନରାତି

ମଧୁର ଶୁଭ୍ର ସୁଶୀତଳ ତାର 

ଜ୍ୟୋତ୍ସ୍ନା ମନ ମୋହିନିଏ,

ଦୁଇ ପକ୍ଷ ମଧ୍ୟେ ଶୁକ୍ଳପକ୍ଷ ଆହା

ଭୁଲି କି ପାରିବ କିଏ।

କୁଆଁର ପୁନେଇଁ କୁଆଁରୀ ବାଳା ତ 

ଜହ୍ନିଫୁଲେ ଜହ୍ନ ପୁଜେ,

ଭାଇ ଶୁଭ ପାଇଁ ତୁଳସୀଙ୍କୁ ପୂଜି

ନାନା ଚିତ୍ରେ ବିରାଜେ।

କୁଆଁର ପୁନେଇଁ ଜହ୍ନଗୋ ଫୁଲ 

ବଉଳବେଣୀ ସୁରରେ,

ଜହ୍ନରାତି ମନେ ଆଣେ କେତେ ସ୍ମୃତି

ପୂଜିବା ତ ଭକ୍ତିଭରେ।

ଆମ ଏହି ଜହ୍ନ ତା ଦିବ୍ୟଜ୍ୟୋତିରେ

ଅନ୍ଧାରକୁ କରି ଦୂର,

ଆମରି ହୃଦେ ଅପୂର୍ବ ପୁଲକ ଭରି 

ଖୁସି ଦିଏ ଭରପୁର