ସପନ ସୁନ୍ଦରୀ

ନଜରରେ ତୁମ ନଜର ମିଶାଇ 

ତୁମକୁ କରିଛି ଚୋରି,

ରାଗିବନି ପ୍ରିୟା ଭାଙ୍ଗିଯିବି ମୁହିଁ

ସରଗର ଅପସରି ।

ଚୋରା ଚାହାଣୀରେ ହାଣେ ମୋର ହୃଦ

ପ୍ରିୟା ମୋର ଅନାମିକା,

ମୁକୁଳା କେଶ ତା ସାଗର ଲହଡ଼ି

ତୁମେ ମୋ ମନ ନାୟିକା ।

ଆଗୋ ଅପରୂପା ପ୍ରେମିକା ମୋହର

ବାସ ତୋ ମଲ୍ଲି ଅତର,

ତୋହରି ଆଗରେ ଫିକା ଲାଗୁଅଛି

ଏହି ମୋ ପ୍ରେମ ପତର ।

ରକ୍ତିମ ଓଠ ଯେ ଅତି ମନୋଲୋଭା

କରେ ମୋତେ ଆନମନା,

ତୁମେ କି ବୁଝିବ କେତେ ଭଲ ପାଏ

ବ୍ୟକ୍ତ ମୁଁ କରିପାରେନା ।

ତଥାପି ଲେଖୁଛି ତୁମ ପାଇଁ ପ୍ରିୟା

ଆଗୋ ମୋ ମନ ମାନସୀ,

ଦୂରେ ରହି ଆଉ ଦିଅନାହିଁ କଷ୍ଟ

ତୁମେ ହିଁ ମୋ ସବୁ ଖୁସି ।

କେଜାଣି ବିଧାତା କେମିତି ଗଢିଛି

ରୂପରେ ଉପମା ଦେଇ,

ସପନ ସୁନ୍ଦରୀ ସପନରେ ଆସି

ପ୍ରୀତି ଥରେ ଯାଅ ଦେଇ ।