କନ୍ୟା

ସୁନ୍ଦର ସୃଷ୍ଟିରେ ଅନ୍ୟତମ ସୃଷ୍ଟି

କନ୍ୟାଟିଏ ସେ ଅନନ୍ୟା,

ଦୁଇ କୂଳ ହିତା ଦୁହିତା ବୋଲାଇ

ଲୁଚାଏ ମନେ ବେଦନା ।

ନୂପୁରର ଶବ୍ଦ ଶୁଭେ ରୁଣୁଝୁଣୁ

ହାତେ ଶୋଭାପାଏ ଚୁଡ଼ି,

ସ୍ରଷ୍ଟାଙ୍କ ଶ୍ରେଷ୍ଠ କୃତି କନ୍ୟା ଅଟେ

ତଥାପି ତା ହାତେ ବେଡି ।

ଦାର,ଭଗ୍ନୀ,ଜନନୀ ଅନନ୍ୟ ରୂପ

ଦେବାତ୍ମା ରୂପେ ତନୁଳ,

ଶ୍ରେଷ୍ଠ ଜନ୍ମ ପାଇଁ ବାଃ ବାଃ ଶବ୍ଦ ଶୁଣେ

ବଞ୍ଚେ ପିଇ ସେ ଗରଳ ।

ଲକ୍ଷ୍ମୀ ପ୍ରତିମା ସେ ଜନ୍ମଦାତା ଙ୍କ ପାଇଁ

ସ୍ବାମୀ ପାଇଁ ସୁହାଗିନୀ,

ଆଜି ଯିଏ କନ୍ୟା କାଲି ସେ ଜନନୀ

ଯୁଗେ ଯୁଗେ ପୂଜାୟିନୀ ।

କନ୍ୟା ଭ୍ରୁଣ ହତ୍ୟା କରନାହିଁ କେବେ

ଏହା ଏକ ମହାପାପ,

ଦୁଃଖ ଜଞ୍ଜାଳ କୁ ସହିବା ଶକତି

କନ୍ୟାର ମହତ ରୂପ ।

ସୃଷ୍ଟିରେ ମହତ ତ୍ୟାଗ ଅପ୍ରମିତ

ହୋଇଥାଏ କନ୍ୟାରତ୍ନ,

ବେଳ ଥାଉ ଥାଉ ସଜାଗ ହୋଇଣ

ନିଅନ୍ତୁ କନ୍ୟାର ଯତ୍ନ ।